Cu la brentina e la neiv laguotan las ramurs dil di
E cu il ruaus fa anguoscha a ti.
Cu in vent asper e freid sufla dalla streglia neu,
Lu fuss ei pli sempel da schar pender il tgau.
Mo sche ti creias ferm en tei,
Ed has curasch'e buna fei.
Lu sas ti che la prada schai sut la neiv
E quella fa endamen
Che mintga liung unviern va zacu a fin.
Cu las muntognas paran da crescher lunsch siado el tschiel
E ti sesentas pli e pli pigns.
E cu il trutg fa storschas che meinan buc al liug da destin
Lu creias ti ch'il viadi mondi mai pli a fin.
Mo sche ti creias ferm en tei,
Ed has curasch'e buna fei.
Lu sas ti che la prada schai sut la neiv
E quella fa endamen
Che mintga liung unviern va zacu a fin.
Tgi che ti eis e nua che ti vas,
Quei decidas mo ti cun tiu cunfar.
Tgi che ti eis e nua che ti vas,
Quei decidas mo ti cun tiu cunfar.
Mo sche ti creias ferm en tei,
Ed has curasch'e buna fei.
Lu sas ti che la prada schai sut la neiv
E quella fa endamen
Che mintga liung unviern va zacu a fin.