Ecco ca 'l riva lu al riva al pleiboi
Cul so Mercedes 'd veint'ann parchegia in sal zerbino 'd la scola 'd ball
L giacca arvuta a mezz manag e i cavi' tut bzunta
La barba taia e il scarpi apena lustra
Ecco ca 'l riva lu al riva al pleiboi
Al piomba 'tacc al banco del bar e urdina 'l vein
La ragazza 'l ga versa un ortrugo lü 'l disa "No, champagne!"
E la siura ca 'l guarda e lu ca sa sistema 'l foulard
E l'urchestra sona una beguine
Ma lu 'l g' alonga seinc'euro e 'l vusa "cha cha cha!"
Al cantant 'l ga sara l' occ ma parte un tango
Che magari istasira la siura la purtara' a ca
Ecco ca 'l bala lu al bala al pleiboi
La faccia gitana e un dopo barba ca 'l para una putana
La rosa in bucca e la man in sal cul 'd la siura
E le' ca 'l deinta in sal coll e lu la ga fa fa un casche'
E l'urchestra sona una mazurca
Ma lu 'l sa vota incazza e 'l vusa "salsa!"
Al cantant 'l ga sara l' occ ma parte un tango
Che magari istasira la siura la purtara' a ca
Ecco ca 'l riva al mari' 'd la prufumera
Al ciappa 'l pleiboi pr'una spala e 'l ga vusa "bastard!
Te anda a fa un week end a Rapallo con la me muiera "
'L ga pianta du s'giaff e al pleiboi 'l vula in tera me unsass
E l'ambulanza sona la sirena
Chi rida chi pianza quaidoi 'l vusa "un dutur!"
Il provan a alval so ma 'l pesa me un urs
E istasira la siura al purtara' al prunt sucurs