Bappi tue d'Auge uf!
De Bappi sitzt im Frohsinn binme Gläsli suure Moscht
Und himmlet dert s'Luisli aa und dänkt: "s'isch ticki Poscht"
Und wänn s'Luisli lächlet dänn verwütschtst de Bappi bös
Und wänn sie mit em Hintern gwagglet wird är liecht nervös
Die Manne sind doch komisch, da hocket's i de Beiz
Derbi hätt doch die eige Frau grad zäh mal so viil Reiz
Drum: Bappi tue d'Auge uf!
Dänn gsehsch dii eige Frau, die cha das nämli au
Drum: Bappi tue d'Auge uf!
Ja du wirsch stuune, die cha das au
Sie gwagglet no viil besser als s'Luisli
Drum bring äre äs Strüüssli Maieriisli
Drum: Bappi tue d'Auge uf!
Ja du wirsch stuune, die cha das au
S'Luisli blinzlet i de Beiz, de Bappi trifft de Schlag
Vor luuter Glück vergisst är no der eige Hochziigstag
Är hockt im Frohsinn zmittst im Rauch, im Lärme und im Gstank
Diheime wär's doch gmüetli und so schön und blitz und blank
Die Manne sind doch komisch, sie suechet nur viil z'Wiit
Und merked nöd dass s'grööschti Glück im trauten Heime liit
Drum: Bappi tue d'Auge uf!
Dänn gsehsch dii eige Frau, die cha das nämli au
Drum: Bappi tue d'Auge uf!
Ja du wirsch stuune, die cha das au
Sie blinzlet no viil besser als s'Luisli
Drum bring äre grad no mal Maieriisli
Drum: Bappi tue d'Auge uf!
Ja du wirsch stuune, die cha das au
Bappi tue d'Auge uf!