Wer nöd raucht isch "in"
Und wer raucht isch "out"
Wer nöd raucht isch sportlich
Und was sportlisch isch, das haut
Nimm diin letschte Zug
S Rauche isch Betrug
Blas der alles us em Sinn
Dänn bisch ändli "in"
Ich weiss s ja, ich has ja scho mängisch probiert
Und s hett eifach nöd welle gah
Ich han au de Tüüfel und weis was studiert
Wie d Luscht ändlich chönnti vergah
Mit Gurgle und Wille
Mit Süessholz und Pille
Ha turned, ha ghüület und gchlagt
Dänn sind mer erscht d Nerve
Dänn au no d Reserve
Dur d Latte und s hätt mi verjagt
Wer nöd raucht isch "in"
Und wer raucht isch "out"
Wer nöd raucht isch sportlich
Und was sportlisch isch, das haut
Nimm diin letschte Zug
S Rauche isch Betrug
Blas der alles us em Sinn
Dänn bisch ändli "in"
Da han is uf einmal ganz andersch probiert
Ha dänkt, "jetzt versuech i s mit Charme"
Ich han eifach alles was raucht ignoriert
Ha dänkt, die sind eifach ganz arm
Ha pfiffe und gsunge
Ha grächnet und grunge
Und jedem gseit s gönn mer so guet
Ha d Wett unterschriebe
Doch S Rauche isch blibe
Und usserdem au no e Wuet
Wer nöd raucht isch "in"
Und wer raucht isch "out"
Wer nöd raucht isch sportlich
Und was sportlisch isch, das haut
Nimm diin letschte Zug
S Rauche isch Betrug
Blas der alles us em Sinn
Dänn bisch ändli "in"
Blas der alles us em Sinn
Dänn bisch ändli "in"