Ä Schachtle voll Bänder und trotzdem keis Gnusch drinn
Än Ärde voll Länder und keine macht d'Fuscht drin
Und wott wie wild uf dä Anderi loos
Me laat denand in Ruhä
Isos
Und d'Ofizier spieläd Nünimal und Schach
Büglet d 'Uniforme und losed Mozart aa und Bach
Isos
Äs Stadion voll Brüeler und trotzdem kein Tote
Ä Klass voller Schüeler und niemert schriibt Note
Und gseht än Mänsch nur als Eis oder Sechs
Kei Schuelpfläg plägt sich quer
Isos
D'Kind faltet Stern, us dä alte Rütlischwür
S'liut au d'Schlacht bi Sempach im Papierchorb vor de Tür
Isos
Äs paar g'fundni Händsche und gliich nit zwei Linggi
Äs Dorf volle Mänsche und keine wo finti
äs müsed jetz all und blos d'Mehrzahl heb rächt
Dä Einzelni zellt au
Isos
Keine luegt scheel, wenn ein langi Haar und linggs
Und sogar d'Regierig, die fangt aa tänke, neuerdings
Isos
Än Schüssstand voll Chrieger und keine trifft s'Schwarzi
Ä Hampfle voll Lieder und keis wo nit harzi
Und wo nit no runder und schöner chönt sii
Doch s'nöchscht Mol glingts dänn ganz
Isos
S'tuet eim scho guet, wenn eim öpper merke laat
Das au bi eim sälber, hinedra dä Usdruck staat
Isos
Äs lache zum zeige und gliich Schwirigkeite
Zwei Mänsche eleige, elei aber z'zweite
Wo jede am andere d'Wahret zuetraut
Sich gern ha ohni "wänn"
Isos
Cho oder gah, beids isch Selbverständlichkeit
Nach äm gah gits später widermol ä Möglichkeit
Isos