Vis a vis staht d' Freiheitstatue
Vo det chömets zrugg
All halb Stund mit em Tourischteboot
Und grad i de Nöchi vo de breite Landebrugg
Da verdient er sich jetzt no sis Brot
Wiiti Hose rotgariert und gäle Fäderehuet
Kartongnase imne alte Gsicht
D' Runzle übermoled, trotzdem gseht mer zimli guet
D' Spure von re schiefe Läbesgschicht
Ha ha ha ha ha
Und er formt mit Schluchballön ä grossi Micky Maus
Quikt dezue die obligate Tön
Wenn er gwagglet mit em Buch dänn gits villicht Applaus
Und en chline Bueb finds wunderschön
Schnäll macht dä de Vater no ne Foti vo sim Sohn
Clown und Chind gsehnd immer herzig us
Und für eimal sticht sogar en schlächte Strasseclown
Di berüemti Freiheisstatue n'us
Ha ha ha ha ha
Z' grossi Schue und z' grosse Tschoppä z' grossi Hosebei
I dem Bruef mues Übergrössi si
S' eige Läbe und di ängi Wohnig dänn dihei
Sind scho ehnder ä paar Nummere z' chli
Träum vom? sind verträumt
Dä Fäderehuet isch knickt und äs
Quikä tönt scho zimli ruuch
Eimal mängsmal ab sim eigne Lache fascht verstickt
Und dezue chli gwagglet mit em Buuch
Ha ha ha ha ha
Hät da nid ä Chind grüeft oder bildet er sichs ii
S' letschti Boot vo Hüt isch lang scho läär
Schluss für Hüt, en Clown zieht sini Nase n'ii
Hüt gits s' Lache gschäftlich nünt meh her
I dä chliine Bar am Eggä, chert er gwönlich ii
Keine stört sich döt am g'malte Gsicht
Keine mischt sich det is Läbe vome andre ii
Au wänns mängsmal nötig wär, villicht
Ha ha ha ha ha
I siim Zimmer d' Stelze, Hüt getraut er sich nüm druf
Er luegt s' Fotibuech vo früenet aa
Und de Reschte Hackbeef us em Chüelschrank stoost em uf
Fascht so wi sin Alltag, hie und da
Vor em Schlaf die alte Bilder wo no läbig sind
Är läärt gschnäll än Whiskey obedruf
Und im Traum äs glücklich Lache vome Chind
Wärmt di iischalt Wohnig echli uf
There's no business like show business
Ha ha ha ha ha