Am Waldrand staht es Hüsli
De Schnee lit uf em Dach
Es Liechtli brännt am Fäischter
Sind ächt die Chind na wach
Es Liechtli brännt am Fäischter
Sind ächt die Chind na wach?
Wer chunnt det us de Tanne
Im Mantel, wit und warm
Gross Häntsche a de Füschte
E Fitze undrem Arm
Gross Häntsche a de Füschte
E Fitze undrem Arm?
Ou, lueged die Kabutze
De Sack, am Rugge ghänkt
Es isch de Chlaus, ir Chinde
I has doch ämel tänkt
Es isch de Chlaus, ir Chinde
I has doch ämel tänkt
Jetz wänn doch nu e Jedes
Es ordlis Versli wäiss!
Gäll, Hans, du häsch nöd gfolget
Dir werded d Bagge häiss
Gäll, Hans, du häsch nöd gfolget
Dir werded d Bagge häiss