Min grosse Brüeder, dä heisst Max und isch grad sechzehni gsi
Dä lauft so langsam wien es Grosi, aber s'Grosi holt en ii
Sie isch öppe drümal schnäller, und sie rännt am Max verbii
Kapuzejäggli, Baseballchäppli, das mues mis Grosi sii
Mis Grosi chunnt sich sälber gar nöd wien es Grosi vor
Sie ghört zwar nümme guet, bsunders uf em lingge Ohr
Sie hät mit em Bluetdruck und em Rugge chli Problem
Aber was sie macht, das macht sie immer ganz extrem
Sie isch e rüschtigi Alti, sie cha ganz unschuldig lache
Aber nur zur Underhaltig macht sie ganz riskanti Sache
Sie fahrt mit de Söifechischte
Snowboard uf de schwarze Pischte
Gumpt vo de Brugg am Gummiseil
Spielt Fangis mit em wiisse Hai
Sie chlätteret, sie taucht, sie schwümmt
Sie luegt, dass sie immer günnt
Wänn sie z'vorderscht uf de Wälle surft
Sie macht alles, won ich nöd dörf
♪
Min Grossvater fahrt Rännvelo und leit sich farbig aa
S'macht nüüt, wänn's rägnet oder schneit, er mues trotzdem gah
Er gaht bi Sturm go sägle und rännt hei mit nasse Haar
Und im Winter fahrt er Schii, er bricht sis Schiibei jedes Jahr
Min Grossvater trinkt Kafi und mis Grosi lieber Wii
Ich ha mängisch s'Gfühl, das isch wie Zaubertrank für sie
Min Grossvater macht Lärme, und mis Grosi isch nie still
Also beidi uf eim Huuffe, das isch meischtens eifach z'vill
Das sind rüschtigi Alti (dureknallt), die chönd ganz unschuldig lache
Aber nur zur Underhaltig macheds ganz riskanti Sache
Sie gönd go bärgschtiige im Näbel
Go poschte ohni Poschtizädel
Sie brötled Popcorn ufem Härd
Sie gönd as Schtärneföifi-Konzert
Sie chlätteret, sie tauched, sie schwümmed
Sie lueged, dass sie immer günned
Wänn ihres Brätt über d'Wälle surft
Die mached alles, won ich nöd dörf
Die mached alles, won ich nöd dörf
Die mached alles, won ich nöd dörf
Die mached alles, won ich nöd dörf
Die mached alles, won ich nöd dörf