Wenn s'Echo vomne Göisse i de Gasse wiederhallt
Wenn e guete Velofahrer ine Strosselampe knallt
Wenn e Profi-Inlineskater uf em Hosebode liit
Isch dr Kickboard-Kuno nümm wyt
Er cha nid brämse, cha nid stüre
Drumm het är so mängi Bühle
Verusse si isch nümme gsund
Wenn dr Kickboard-Kuno chunt
Wenn e Wytsprung-Schwiizermeister sich ine Glungi rettet
Sich e entloufne Hund grad wieder sälber aachetet
Wenn im Polizist dr Händsche fählt a dr rächte Hand
Isch dr Kickboard-Kuno im Land
Er cha nid brämse, cha nid stüre
Drumm het är so mängi Bühle
Verusse si isch nümme gsund
Wenn dr Kickboard-Kuno chunt
E Tube tubet ab, si het kei Lust me nöime z'lande
E Bluemetopf stoht nümme dört, wo är vorhär isch gstande
Früschi Zebrastreife-Farb schlänglet sich dur d'Stadt
Vermischt mit Sauce vomene Kebab
♪
Er cha nid brämse, cha nid stüre
Drumm het är so mängi Bühle
Verusse si isch nümme gsund
Wenn dr Kickboard-Kuno chunt
E Robidog-Sack platzt und läärt sich ufem Trottoir us
E Ghüdersack höibürzlet i Pflanzblätz vom Nochbershuus
E Kompostchübu teilt si Inhalt mit de Psetzistei
Und s'Zigüünerschnäggli wott hei
Er cha nid brämse, cha nid stüre
Drumm het är so mängi Bühle
Verusse si isch nümme gsund
Wenn dr Kickboard-Kuno chunt
Wenn dr Kickboard-Kuno chunt
Wenn dr Kickboard-Kuno chunt