Noo wha the deil hae we gotten fur a king?
But a wee bit Germun lairdie
But whin we cam tae bring him hame
He wis delvin in his yardie
Sheughin kail an layin leeks
But the hose an but the breeks
An up his beggar duds he cleeks
This wee bit Germun lairdie
An he's clapt doon in oor guidmuns chair
This wee bit Germun lairdie
He's brocht foorth aw fawrin trash
An dibblet thum in oor yardie
He's prooned the rose o Inglish huns
An broken the hairp ae Aireland's sons
But the thistle taps'll jag his bum
This wee bit Germun lairdie
Cam up amang oor hieland hills
Thou wee bit Germun lairdie!
See the Stuart's lang kail thrive
They dibblet in oor yairdie
But if a stalk ye daur tae pu
Or haud the yokin o a plou
A'll brak yer sceptur ower yer mouh
Thou feckless Germun lairdie
Oor hills are steep, oor glens are deep
Nae fittin fur a yairdie
The norlan thistles willny pu
Thou wee bit Germun lairdie
But we've been trenchin blades ae wier
We'll prune o yer Germun gear
An ye'll pass aneath the calymore's shear
Thou gourmless Germun lairdie
Auld Scotland thou are called a hole fur nursin siccan vermin
The very dugs o Inglans coort
They bark an hoole in Germun
Sae keep thy dibble an thy in haund
Thy spate bit an thy yairdie
Fur wha the diel noo rooles oor land
But a wee bit Germun lairdie