Freistil
I steh gschneitzt und kampit aun da Bar und hoi a neiches Trangl
Oba gib ma nur a Stampi und i reiß a Bangl
I kriag an greanen Kopf so wie Kermit der Frosch
Und waunn i taunzn wü, daunn kröamits und krochts
Jo ihr lochts, oba ehrlich gsogt bin i daran scho gwehnt
Dass meine Haxn morgn so tan, ois war i an Marathon grennt
Morgn schloddern meine Boana und es klappan die Zähnt
Waunn mi meine Hawara seng, kunntats sei dass mi kana dakennt
Roleee Solo
I lieg auf da Couch, im Raum feits noch Rauch
Tschick san olle laar, ois wos bleibt is da Rausch
Es is aus! Mir graust – vorbei mit da Völlerei
Mir brennt a Birndl durch wie in am Köllaobteil
Wir san oid wie Reifen ohne Profil
A crosstes Büdl oder Schlogerhits auf Vinyl
Wie a oida Sack der jedn Tog dahivegetiert
Und scho de ganze Zeit an Plan hot, aus dem sicha nix wird
Wos wü ma mochen so is, so is des Leben
Ma kaunn eh nur drüber lochen, oder? Wir wern oid!
Ma is ned ewig jung, eben drum leb dei Leben
Und deng da nix dabei! Wir wern oid!
Wir ghean inzwischen scho zum oiden Eisen
Oba miassn kam mehr wos beweisen oder? Wir wern oid!
Und maunche reden und reden: Wos mochen de nu auf da Bühne? Doch des losst uns koid!
De Knochen knirschn, da Mund is trocken vom Birschtln
Wir woin laung nu ned ham – oba miassn
Du gehst fort und schiabst a orge Nummer, wir hom Vapflichtungen
Jo Sorgen homma – Da Disch is in de Johre kumma
Wir hom sicha an Erfohrung gwunna, doch fühn uns noch
Zwa Gigs am Wochenend scho fost wie noch am Orbeitsunfoi
I steh am Fuaßboiplotz mit Vöest-Trikot und graue Schläfn
Hau i gegen d' Wuchtel gibt's am nächsten Tog a blaue Zechn
Mei Freindin sogt zu mir: "Es is a Kreiz, moch amoi wos Gscheits!"
Doch des is da Reiz: Hip Hopper mit fost scho Dreißg!
I wehr mi strikt dagegen oid zu werden
Wei nur wer jung bleibt verhindert insgeheim a boid zu sterben
Antrue
Du merkst das an da Art wie du kommunizierst
Und an de Sochen für wos d' de genierst
Du merkst das aun de Lokale wo du verkehrst
Gehst ois erster ham und hoffst oba daunn, dass kana wos merkt
Du merkst das aun da Mucke des d' mochst
De Idole von domois gengan heit mit de Kruckn durch d' Stodt
Du merkst das, wei du schwärmst für Dilla Beats
Und dei Gegenüber frogt di: "Wer is Dilla!?" – und trogt Skinny Jeans
Wos wü ma mochen so is, so is des Leben
Ma kaunn eh nur drüber lochen, oder? Wir wern oid!
Ma is ned ewig jung, eben drum leb dei Leben
Und deng da nix dabei! Wir wern oid!
Wir ghean inzwischen scho zum oiden Eisen
Oba miassn kam mehr wos beweisen oder? Wir wern oid!
Und maunche reden und reden: Wos mochen de nu auf da Bühne? Doch des losst uns koid!
Freistil
I steh mit pickige Guck drinnen im stickigen Club
I glaub i muass aun d' frische Luft
Draußn nimm i an Zug, daunn vaspir i an Druck
I glaub i muass wieder zruck
Und i gib ma an Ruck, wo a immer i huck
I hoff dass irgendwer putzt
I bin schwindlig genug, doch daunn nimm i an Schluck
Und sing a chillige Hook