Wir woin olles gleich jetzt, Zeitstress, kana sogt des reicht jetzt
Wir woin nur die Wirkung ham wer liest denn no den Beitext.
Hightech treibt uns weida zur Verzweiflung.
The Sky is do ka Limit, es gibt immer no a Steigerung.
Schau bitte schnö dasst jetzt weida kummst,
Weil dei Weib und die Kinder streidn sunst.
Du bist jetz scho zspät, a Viertlstund,
Und wos sogst zu deiner Verteidigung?
Olle dummeln si und schurln rum,
Weil die Morgenstund hat Gold im Mund.
Olle Überstunden san umasunst,
Und 3 Wochen Urlaub a frommer Wunsch.
Du wüst verschnaufn, Rauchpausen, Einkaufen
Und zmittog gor daheim Essen des konnst da einrexen,
A wann die Termine stressn bleib adrett wie Stewardessen.
Du kannst nebenbei wos essen
Kannst du bitte des checken, des retten,
Hobts es auf des vergessen.
Losst eich bitte ned hetzen bis sechs werma locker fertig,
Do würd i donn lieber ned drauf wetten.
Wir hom so vü zum tuan –
Wir hudln und schurdln ummanond
Müssen uns sputen des dauert vü zu lang
Da hüft ka hupen so kummst a ned schneller dran
Und a ka Fluchen lametier ned gemmas on
Wir hudln und schurdln umanond
Müssen uns sputen, des dauert vü zu lang
Da hüft ka hupen so kummst a ned schneller dran
Und a ka fluchen, lametier ned gemmas on
Geht ned gibt's ned, wonns ned geht donn moch mas gehad,
Ois muass gestern fertig sein, kumm ma ned des moch ma späda.
Bitte sats doch ned so letschad – weil sonst mocht da chef wieda Weda
Die Hockn duad se ned von söba – und es wird nur immer späda
Kumm dua weida, schnö schnö, sie song Zeit is Göd Göd.
Vü hom eh an Haufen Zeit oba leidas Göd föd föd
Dann bist wie bstöd und ned okhoid hocknstad, der Stood zoid;
Du kannst nurmehr dachiniern und hoffen, das wos ofoit,
Der ane sogt i brauch des, der ondre sogt mi schlaucht des,
Find de damit o des gonze Lem is a Baustö.
Doping, Lobbing, Mobbing, Ellenbogen raus und durch,
Powershopping noch da Hockn Dauerstress in ana Dua.
I dram mi scho längst in die Südsee auf an Strond
Dort lieg i dann gemütlich und nur der Wellengang
Roid übern Sond, es dauert nimma long moch de Augen zu und tram
Wir hom so vü zum tuan –
Wir hudln und schurdln ummanond
Müssen uns sputen des dauert vü zu lang
Da hüft ka hupen so kummst a ned schneller dran
Und a ka Fluchen lametier ned gemmas on
Wir hudln und schurdln umanond
Müssen uns sputen, des dauert vü zu lang
Da hüft ka hupen so kummst a ned schneller dran
Und a ka fluchen, lametier ned gemmas on