Honor mi complexion with a badge pon mi chest
I'm Black without apology nuh feelings nuh suppressed
Africa the motherland, understand the richest continent
When mi ready mi a step mi nago fear no consequence
See dem a come wid dem weakness and the pretence ina frequence
Anu press button Anu weak fence
King Marcus a come wid d defence
Black star line pon d sea when we a steam lef enemies
Dem wa mi reduce my lineage to a state of misery
LK and Malcolm get shot a give speech
Look weh d civil rights country a preach
Man a get shot cah dem wa fi be free
Anuh fruit is a man weh a hang from a tree
Kya move get stop like clog arteries
Revolution spread like hot margarine
Cause I'm black why d border nuh free
Afi pay weh mi nav to foreign embassies
Is it because I'm black
Some a dem kya come on ya
Pon d earth dem a lef pure trauma
Look wa dem do d African daughter
Gone like a thief in d night with her mother
King Leopold couldn't have a father
D mounta African man weh him slaughter
Come wid d Bible wi na take yu offer
African spiritual system mi rather
Chop mi arm n leg n teeth true mi black
Turn roun wa me be patriot
To your colonist country yu miss mi wid Dat
Think royal African a big ediot
Napoleon a gwaun like him never come squat
Pon d native land a Haiti wi call Dat
Liberty equality the French dem a chat
But them never mean the ones ina France weh did black
Is it because I'm black
Rebel pon d bass line yuh know mi ago done it
Fyah ever blaze kerosene ina mi pocket
Black power nav no outage higher voltage nafi charge it
Study everything about mi history never lost it
Focus pon d victory nuh study words like forfeit
Say Ethiopians a burnt face den me a chocolate
Preservation of d melanin mi affi flaunt it
Importance of your health and lineage so seek d knowledge
History books deceiving make yu feel incompetent
Use dem hand make fashion and nuh use African thread
Denial of your origin is like a corset
Illusion of exterior with internal garbage
Original palaces and kingdoms found in Mali
Never told us Black is powerful and dem no sorry
Spare d whites, black soldiers a Frontline pon yu army
State d facts
Give them kilos of the guilt to carry