Iantrao fa aza rikoriko
Sanatria tsy faniriako
No nahatonga ahy toy izao
Iantrao fa ny hazo fijaliako
Mavesatra fa nikimpiako
Raiso tànana aho raha azo atao
Mahantra aho tsy mitafy mandry fotsy
Ory fitia sy rotsirotsy
Ka mba manantena anao
Mahantra aho ny fiainako mikororosy
Manitsaka ahy izay te hanosy
Asa raha toy ireny koa ianao
Iantrao, ny hambompoko efa nariako
Izay mba mety ho faniriako
Nahiliko tsy ho hitanao
Iantrao, ny hajanao hokajiako
Ny ho namanao no mba tiako
Mba ampio raha sitrakao
Mahantra aho nefa aza hindrahindraina
Fa manjary ady ilaina
Ireo tsipy teny atorakao
Mahantra aho nefa mendrika hohajaina
Fa efa manao vy very ny aina
Miasa fa tsy milalao
Mahantra aho mareforefo osaosa
Fa fahoriana miavosa
No babeko an-damosiko ao
Mahantra aho fa ny anao kosa
Tsy misy izay tsy tontosa
Ireo nofinofinao