Na lavitra aza aho
Tsy manadino anao
Fa toy ny reny nitaiza
Tsy hadino n'aiza n'aiza
Fa nahitako masoandro
Tiako sy mamiko
O o! Tadidiko isan'andro
Tiako ny taniko
Fa tiako anie ilay Nosy
Ilay nanabe, nibaby, nadrotsirotsy
Fa n'aiza n'aiza honenana
Ny tany nitaiza
Tsy maintsy hiverenana
Fa ao no hilevenana
Raha toa aho nandeha
Tsy hitahita tsy re
Tsy hoe akory nanary
Fa nikaroka nihary
Fa ny fanahy, ny fo
Tsy taiza fa teo ihany
O o! Tany aminao avokoa
Fa mamy ianao tena mamy
Fa tiako anie ilay Nosy
Ilay nanabe, nibaby, nadrotsirotsy
Fa n'aiza n'aiza honenana
Ny tany nitaiza
Tsy maintsy hiverenana
Fa ao no hilevenana