Stu Rusario ca aggiu ritte 'ncielo
'Nterra sia scritto, alla Maronna sia rato
Alla Maronna sia presentato
Si lu piglie cu bbuone ammore
E di scandole ò peccatore
A lu punte re la morte
Famme sta cuntente e fforte
Arrecuordete e me o Maria, pure e te
Beneditte Sante Jennaro
Che bella razzia che mme faje
Nuje cantamme 'ncumpagnia
"Facce razzia ò Mmaria!"
E lodate ogge e sempe
Ò Santissimo Sacramente
E cchi mmente l'ha purtate
Ogge e sempe sia laurato
Sia laurata Maddalena
Che stà 'ncielo e pure me prega
Tante prega, pure me prega
Finchè stà razzia me cuncede
Ma si stà razzia nuje vulimme
Prejamme a Vergine ca ll'avimme!
Gesù Cristo stà sdegnate
Pé li nostre gran peccate
La Maronna l'abbracciaje
Pé llu latte che llè raje
Sempe dicimme "Misericordia
Santa Maria è Custantinopole!"
O cu Cielo, vuje la terra
Sangh'è Criste: aiutame tu!
Maria e Sant'Anna: repareme tu!
Nu verbo saccio, nu verbo voglio ricere
Nu verbo ca creaje nostro Signore
Ca s'appose a chella Croce
Comme misero peccatore
Piangete peccatori e peccatrici
Chi sape lu verbo ca lu rice
E chi l'intenne
San Giuvanne ce retenne
E chete diche dint'à vita mia
Nu Patennostre e n'Avemmaria
Ma nun 'nce l'addimanne
Comme misera peccatrice
La Maronna s'avota e rice
"Stu Rusario nò mancà
Stu tirmpo ca pierde
Io t'ho facce arravanzà!"
E si cheste vi sarò
Cchiù beate vi farò
Su beate in Paradiso
Cu ll'angele cante Gloria
Sant'Andrea è Pellerine
Accumpagneme stanotte
Nun me fa fa na mala morte!
Je sacce la cuccata
Ma nun sacce la luvata
San Dumeneco mie: che benvenute
Che bella festa ch'avimme avute!
E sì scuntre Maria Vergine pà via
Me la salute tante
Salutammella e pregammella
Chesta razzia ca te cerche
Facitemmella, pè carità!
Purtate stu messaggie
A la Santissima Trinità
Che ne facesse murì
Confessate e comunicate
Comm'à Santa Maria Maddalena
Ca lavaje li piere à Cristo
Accussì perdona a mme
Ca sò na misera peccatrice!
Comme lu prevete la Messa rice!
Stu Rusario ca aggiu ritte 'ncielo
'Nterra sia scritto, alla Maronna sia rato
Alla Maronna sia presentato
Si lu piglie cu bbuone ammore
E di scandole ò peccatore
A lu punte re la morte
Famme sta cuntente e fforte
Tante salutammella e pregammella
Tante salutammella e pregammella
Tante salutammella e pregammella
Tante salutammella e pregammella
Tante salutammella e pregammella
Tante salutammella e pregammella
Tante salutammella e pregammella
Tante salutammella e pregammella
Salutammella!