Kishore Kumar Hits

Ahmed Khaled - Qawy Albek Ala El Foraa şarkı sözleri

Sanatçı: Ahmed Khaled

albüm: Qawy Albek Ala El Foraa


دموع عينيكي علي اللي راح
مش هتداويكي من الجراح
بس إوعي تاني تحني ليه (آه)
مهما حن وقال سماح
هو سابك وبـإيديه
لما هونتي في يوم عليه
يعني هو مايستاهلش
طب قوليلي بتبكي ليه؟
قوي قلبك عالفراق، علميه الكبرياء
لو في يوم اشتاق إليه إحرميه من الاشتياق
إوعي تنسي ده يبقي مين، ده اللي باعك للسنين
واللي يغلط مرتين يبقي ده هو الغباء
كنتي شايلاه بين عينيكي
وكنتي ليه أجمل هدية
كان ده أول حب ليكي
وكنتي ليه أول ضحية
اتظلمتي في الحكاية
ما بين جروحك وإنكسارك
بس أقولك في النهاية
هو ده كان اختيارك
قوي قلبك عالفراق، علميه الكبرياء
لو في يوم اشتاق إليه إحرميه من الاشتياق
إوعي تنسي ده يبقي مين، ده اللي باعك للسنين
واللي يغلط مرتين يبقي ده هو الغباء
وأنتي ربك هيراضيكي
ده اللي مكتوب هتلاقيه
بكره هتشوفي بعينكي
ندمه عاللي كان في إيديه
جوه حضنك داوي جرحك
كفاية حنية وطيابة
قوي قلبك وإدعي ربك
دعوة المظلوم مجابة
قوي قلبك عالفراق، علميه الكبرياء
لو في يوم اشتاق إليه إحرميه من الاشتياق
إوعي تنسي ده يبقي مين، ده اللي باعك للسنين
واللي يغلط مرتين يبقي ده هو الغباء
(آه، آه-آه)
(آه-آه-آه يا)

Поcмотреть все песни артиста

Sanatçının diğer albümleri

Benzer Sanatçılar