وجه السمة الخالي الخالي الخالي
ما بي كمر عالي عالي عالي
وجه السمة الخالي ما بي كمر عالي
يمكن مشى الغالي يمكن مشى الغالي
اني اعرف وليدي الكمر
جنت احلف بزودة
ما يخلف وعودة
لو كطعو زنوده
اني امي الي يبيض الوجه
على الوفة ربيته
و بزغره حاجيته
بحسين وصيته
اسمع صدة بروحي
اتباهة بجروحي
و اتخيله ابالي
يمكن مشى الغالي
وجه السمة الخالي
ما بي كمر عالي
يمكن مشى الغالي
يمكن مشى الغالي
عباس اذا بعدك عدل
ظلمة السمة شبيهة
الا انت مو بيهة
جنت انت ضاويهة
بس لا الحسين بلا ضوة
صبح الحرب ظلمة
من ضيكت حرمة
معقولة يا يمة
اقنعني بغيابك كلي السهم صابك
خلي تعرف امالي يمكن مشة الغالي الغالي الغالي
وجه السمة الخالي ما بي كمر عالي
يمكن مشى الغالي
يمكن مشى الغالي
كل حلم مر على الجفل بغيابك تفسر
بس يمك تحير
من اوصل اتعذر
دورتك بروحي و شفت
بية الحزن ديرة
يا صاحب الغيرة تدري البعد حيرة
دورتك بليلي اتعب و الم حيلي
لكن كلت تالي يمكن مشى الغالي
وجه السمة الخالي ما بي كمر عالي
يمكن مشة الغالي يمكن مشى الغالي
ويامن ابعثلك خبر متحيرة بهاية
متحيرة معايا يا التاخذ حجاية لا توكع الراية
احرس خيم زينب مثل وكفة علي لطه
مو تنسة ترعاهة يالرايح وياهة
خليهة بعيونك
من تبقة من دونك يبقة الضعن خالي
يمكن مشى الغالي
وجه السمة الخالي ما بي كمر عالي
يمكن مشى الغالي يمكن مشى الغالي
عطشان احسك ما رويت ضيجك ولا كطرة
امك و بيك ادرة
احساسي ع الفطرة
اي يمة ظل ظامي ما شربت عيالك
و الماي اذا جالك خل صورتي كبالك
شوف النهر وينه وديه على سكينة
كله اخبر عيالي يمكن مشى الغالي مشى
وجه السمة الخالي ما بيه كمر عالي
يمكن مشى الغالي يمكن مشى الغالي
يوليدي صدرك لا يظل ما بيه اثر نبلة
صح هي مو سهلة بس الحسين اغلى
و اتوادعو و بجو الصخر و اتذكرو العشرة
هو البعد فترة تجمعكم الزهرة
و اني اشعر مصابي من ترحل احبابي
من حزني يصفالي يمكن مشى الغالي الغالي مشة
للشاعر ايهاب المالكي