كومن بنات النبي خيطن خيمجن عبي
كومن بنات النبي خيطن خيمجن عبي
هاي الزلم ما تظل باجر وراجن سبي
هاي الزلم ما تظل باجر وراجن سبي
يله استعدن لباجر هالليله كلش كصيره
باجر زلمنه تسافر كلمن يروح لمصيره
كلمن يروح لمصيره
انسن دلال الهواشم انسن صفات الاميره
كل وحده تلزم طفلها لوذن اسيره بأسيره
لوذن اسيره بأسيره
وبسرعة كون المشي احنا نسا ونختشي
لا يبقى عدجن امل باجر وراجن سبي
لا يبقى عدجن امل باجر وراجن سبي
كومن بنات النبي خيطن خيمجن عبي
هاي الزلم ما تظل باجر وراجن سبي
هاي الزلم ما تظل باجر وراجن سبي
من هسه خليني افكر لمن تصير المسيّه
ليلة تحامي رقية واني علية البقية
من الشمر يعتنيني لا لا تطيحن علية
خلّني وحدي السياطة لمن يقطع ايديه
لمن يقطع ايديه
باجر سياط الهضم خل تنزل على العظم
خلي ابشر الكفل باجر وراجن سبي
خلي ابشر الكفل باجر وراجن سبي
كومن بنات النبي خيطن خيمجن عبي
هاي الزلم ما تظل باجر وراجن سبي
هاي الزلم ما تظل باجر وراجن سبي
ما ضل وكت يالحرايم باجر تسافر زلمنه
باجر غطانه سحابه ناتج مداخن خيمنه
ناتج مداخن خيمنه
صيرن درع يا خواتي واني اشيلن علمنه
احنا ثكاله وارامل بالغربه من يحترمنه
بالغربه من يحترمنه
نصبغ وجهنا بدمه حتى العدو نوهمه
كلشي صفه محتمل باجر وراجن سبي
كلشي صفه محتمل باجر وراجن سبي
كومن بنات النبي خيطن خيمجن عبي
هاي الزلم ما تظل باجر وراجن سبي
هاي الزلم ما تظل باجر وراجن سبي
لا لا تلفظن اسامي خاف العدو يكتشفنا
يبقى يسب بالغوالي يعرفها نقطة ضعفنا
كل غالي باجر نتركه ماكو اهم من شرفنا
واللي يطمّنا باجر كلش قريبة نجفنا
باجر حرب تستمر بين الخدر والشمر
واقع صبح مو مثل باجر وراجن سبي
واقع صبح مو مثل باجر وراجن سبي
كومن بنات النبي خيطن خيمجن عبي
هاي الزلم ما تظل باجر وراجن سبي
هاي الزلم ما تظل باجر وراجن سبي
شوفن وجوه الغوالي ساعة واحفظن علايم
يختلف باجر شكلهم لمن تطيح العمايم
جثة تطيح على جثة تلتم جسوم الهواشم
رملة ياليله تحيله منهو علي ومنهو جاسم
منهو علي ومنهو جاسم
كل الجثث تنسحك تتكطع وتفترك
انسن عتاب الاهل باجر وراجن سبي
انسن عتاب الاهل باجر وراجن سبي
كومن بنات النبي خيطن خيمجن عبي
هاي الزلم ما تظل باجر وراجن سبي
هاي الزلم ما تظل باجر وراجن سبي
مهد الطفل خل نبعده شوفوله خيمة بعيدة
رمله بعد لا تهلهل شمع العرس ما نريده
لمن تشوفن كفيلي لحد تباوع لايده
وابن امي باجر نشوفه سيف اليمزك وريده
سيف اليمزك وريده
خل ننظر لركبته وكت الظهر ذبحته
ودعنه بس بالعجل باجر وراجن سبي
ودعنه بس بالعجل
كومن بنات النبي خيطن خيمجن عبي
هاي الزلم ما تظل باجر وراجن سبي
هاي الزلم ما تظل باجر وراجن سبي
من هسه صيرن سبايا وانا الحرس والكفيله
اتعلم على الحراسة ما ضل وكت هي ليله
ما ضل وكت هي ليله
ما نشتكي من المنا من يسمع ونشتكيله
ادري علينا صعوبة قصة سفرنا طويلة
قصة سفرنا طويلة
باجر زند ينبتر باجر ظهر ينكسر
عالشاطي يوكع جبل باجر وراجن سبي
عالشاطي يوكع جبل باجر وراجن سبي
كومن بنات النبي خيطن خيمجن عبي
هاي الزلم ما تظل باجر وراجن سبي
هاي الزلم ما تظل باجر وراجن سبي
لو وحده باجر ولوها لازم تخف بمشيها
خلها تنادي يا زينب علية تأشر بيديها
علية تأشر بيديها
حتى يعرفني ويجيني بلكت بعد ما يجيها
اختك يا راعي الكفالة كلها تدور عليها
كلها تدور عليها
يا ويلي وكت الظهور يرجعلي خالي المهور
اعرف اخوية انجتل باجر وراجن سبي
اعرف اخوية انجتل باجر وراجن سبي