ياقارورة دِمه الغالي
على أحبابي إنشغل بالي
أراقب وآني حذره
الرسايل كلها خطره
أراقب وآني حذره
الرسايل كلها خطره
مثل وَن الگطه گلبي يبي وين
ويريد يطير من صدري يبي وين
عفتني وصحتي مو زينه يبي وين
الرسايل دم تجي بقاروره ليّه
ياقارورة دِمه الغالي
على أحبابي إنشغل بالي
أراقب وآني حذره
الرسايل كلها خطره
أراقب وآني حذره
الرسايل كلها خطره
أول مراسيل الحزن نسمة هوا جايبته لي
مخنوگ إجه بصدري النفس شميته بي ريحة هلي
من والدي جايب عطر مو ذاك عطره الأولي
بي ريحة الفاگد ولد يمكن مشه الأكبر علي
ياقارورة وأخاف آني
تجرحيني بخَبَر ثاني
وأموتن قطره قطره
الرسايل كلها خطره
وأموتن قطره قطره
الرسايل كلها خطره
ياقارورة دِمه الغالي
على أحبابي إنشغل بالي
أراقب وآني حذره
الرسايل كلها خطره
أراقب وآني حذره
الرسايل كلها خطره
ثاني رساله من السفر مكتوبه لي بگطرة دمه
گالتلي عطشان الورد مات الندى ويشرب ضمه
عبدالله مو ذاك الطفل چن والدچ شايل سمه
أترف قرابين العشگ راد إلحبيبه يقدمه
رسمتيلي ياقاروره
مهد خالي بحضن صوره
وأثر دم إعلى صدره
الرسايل كلها خطره
وأثر دم إعلى صدره
الرسايل كلها خطره
ياقارورة دِمه الغالي
على أحبابي إنشغل بالي
أراقب وآني حذره
الرسايل كلها خطره
أراقب وآني حذره
الرسايل كلها خطره
ثالث مكاتيب البُعد هذا أصعب وأكثر خطر
يحچيلي سالوفة سمه مثلومه ويطيح الگمر
من يحظن بروحه الجُرُف يشبه نهر حاظن نهر
مو ظهر أبويه إلمنحني ظهر الزمن كله إنكسر
لگاه كاتب على جروحه
غلاة إخته مثل روحه
طلب زينب تعذره
الرسايل كلها خطره
طلب زينب تعذره
الرسايل كلها خطره
ياقارورة دِمه الغالي
على أحبابي إنشغل بالي
أراقب وآني حذره
الرسايل كلها خطره
أراقب وآني حذره
الرسايل كلها خطره
أما الرساله الرابعه لونچ ياقاروره إختلف
لون الدمه إتحول إلى حِنَة عَريس بلايه چف
والدته ينزف رادته زفوه على جروحه ونزف
صورة بدر ينزف ضوه صورتي لحساسي ورجف
وأنا وروحي وخناجرها
مثل رمله ومشاعرها
الحجر بالنوح أفُطره
الرسايل كلها خطره
الحجر بالنوح أفُطره
الرسايل كلها خطره
ياقارورة دِمه الغالي
على أحبابي إنشغل بالي
أراقب وآني حذره
الرسايل كلها خطره
أراقب وآني حذره
الرسايل كلها خطره
لحظه و وصل من الهجر أصعب مراسيل الألم
شكلچ ياقاروره إختلف صار أسود وگلبي إنصدم
مستغربه وفكري إنذهل حزنچ على إرموشي إنرسم
ليل الله بأحظانچ نزل لو هذا دُخان الخيَّم
جَمُر غُربه وحرگ خيمه
وآنه بعيني الدمع غيمه
مُطَر وخدودي صحرا
الرسايل كلها خطره
مُطَر وخدودي صحرا
ياقارورة دِمه الغالي
على أحبابي إنشغل بالي
أراقب وآني حذره
الرسايل كلها خطره
أراقب وآني حذره
الرسايل كلها خطره
وآخر رساله من النحر گُلبت موازين الزمن
قارورة الدم إمتلت وإتبدت وفاض الوطن
صدرك عليه حافر فرس والخد بالرمال إندفن
وصفولي بجروحك شمس وجروحي مايتوصّفن
على جروحك گمر غافي
وآنه إبروحي النجم طافي
طُفه العالم بأسره
الرسايل كلها خطره
طُفه العالم بأسره
الرسايل كلها خطره