فارس أحلامك بلاخم بالفيزا والمطار
مين الملاكم McGregor أو Mayweather مش فاهم
عايش بساهم بهدف الفريق الثاني
التقسيمه كلها بتدافع و واحد بهاجم
(جول)
قول للمفكر إيفجر، "بير زيت" بركي قلت الشحده
كبرنا فاهمين إن الكل بفرفر جوا البركه
والدارس راكن عل شركه، والجاهل راكب الهادي
(جواب نهائي؟)
أو بدرس شوي زياده وبتصل ع جورج قرداحي
فنك حافي؟ الوضع جرابات
بطلع واحد زيي مليء ب-الإضطرابات
عايش حلم ف أمريكا، زي بيجن والسادات
التفو ع راسي زي شعر الحاخامات
بابا مات بس ما خلصت القصة
شايف عينيهم لو طولت الغرة
منشق عنهم لو كبرت الأسرة
معلش أنا الأخ إلي إنحفرتلو الحفرة
بسوي وبرمي بالبحر
أنا وصحابي عل قمر
عايش براقب بالبشر
كأني مش واحد منهم
برسم بلون، بكتب بغني، مقتبس فني ، مش عارف كيف تدعمني ابعد عني ابعد عني
البطة السودا لابسه الحطة السودا
بدك موضة امسك خدها سيبك من مؤامرة علبة الكولا
حولي ما بحبو لما
تقارن فني بفنك
بس ستي بتعرف ستك
و عمي بكره عمك
أبو شهم الشولي
عايش مذهب طفولي
تخربطت أفكاري كثرو الشخصيات زي Mick Foley
الجاهل عدو نفسو
والفاهم اه يا بختو
بس الجهاله مرض
لما أشوفهم بنتوء
قعدت بالشارع كتير صار لازم أعمل شغله
مع اني عارف إنو الراب عنا أفشل مهنه
شفنا ناس زهقت ناس صارت staff و-Business
وشفنا ناس وصلت ناس باعت ناس وفكحت
وشفنا ناس شرت بيت وجهاز وخلص قعدت
وشفنا كاز، سينابتك، شولي الباشا وفي مسلم
الفكرة إنو الحرفه هاي بدها نفس أطول
اعتبرني أحول عيني منشنه عل مركز الأول
بسوي وبرمي بالبحر
أنا وصحابي عل قمر
عايش براقب بالبشر
كأني مش واحد منهم
برسم بلون، بكتب بغني، مقتبس فني ، مش عارف كيف تدعمني ابعد عني ابعد عني
من اخفض نقطة عالكوكب, دكوم اخطفلكو القمر
بلكي خطر عبال بشر قديش بخطوة تركت اثر
قديش تعب عبر, ضرب عشر مرات, طفر
قديش تعثر تعثر, قديش ترطق تنتصر .فشر
اخسر, سطر بنزل مد البصر مطر, واضل
افضل هطل هطل, ثمر نبت فجر حجر, خلص وصل ؟
خلي عياط يعم تقول الباشا راش عالبيت بصل
بخطي الخطر, حضر وحضر, بدو وحضر . مخي انعصر
هاد مش فراش بالمعدة انسداد اثنا عشر
وصدقني لو سمع الفيرس توباك شاكور كان قام شكر
قد ما بعمل امواج راحو وجابولي الخفر
قد ما مصفي حسابات, صارو ينادوني الهكر
قديش قهر, قديش خطر, قديش عرق, جهد بذل, بدل هبل, ثمن قبض, ما بينذكر . اخدو دهر حتى ظهر, شغلي بشهر, واضلني طلع فيهم برة, الحفلة, عامل زي اشر . ارجع ورا, اعطي فلشر
متأكد بدك تنشهر ؟ متأكد بدك هالشطر ؟ متأكد انك مش الحمار القاعد بيلحق بالجزر ؟ متأكد ؟