Do woan de Wägn von de Zigeina
De totn Gleis, des wüüde Wossa
Und do woa i ned zum Klaakriagn
Ois klaana Bua
Glei vuam Haus, do woa da Urwoid
Daunn san de Catapilla kumma
Es woa an an Montog
In da Frua
I bin ausse ausn Bett
Bin ausse aus da Tia
I hob ned pockt
Wos i do sieach
De Catapilla ham ois niedagmocht
Ois wos zöht hod fia mi
Hob no ned gwusst
Dass an des öfta gschiacht
Im Urwoid wochsn heite Häusa
Wea domois kauft hod, is heit Kaisa
Dem Wossa hams es Wüüde obagramt
Des rinnt unta da Erd, wos niemand steat
Mi hams valegt in an Urwoid
Wo nua wea ned auffoit urndlich durchhoit
Es woan ned vü de gsogt ham
Oba ned mit mia
I hob boid gwusst do bin i foisch
Hob meine Zeignis gnumma und vabrennt
Ka Hirn, hams gsogt, ka Funkn Vastaund
Oba i renn liaba geng vasperrte Tian
Ois i steh do mitn Ruckn an da Waund
Mia woan fria Freind
Und wia san's heit beinaund
Se ham a poa offane Tian eigrennt
Und si rosch ins Aufgebn eigwöhnt
Haum nix mea wirklich woin
Fia wos si des Suachn lohnt
Jetzt hams Schuidn und de Firma
In fufzehn Joa fressens de Wiama
Und kurz vurm Schlagl gspia ma
Des is gwesn, des woa ois
Mia woa kloa, des pockst ka Joa
Des is ned dei Revier
Ned fia vü Göd auf da Wöd
Vua ana Ewichkeit
I waaß ois wars heit
Hams wos im Radio dazöht
Es woa de Gschicht von ana aundan neichn Wöd
Von an Land mit tausnd Liada
Duat san olle Schwestan und Briada
Do wochst de Liebe bis in Himme
Olle san Schefs oda a Star
Heit pfeift da Eiswind um de Eckn
Des letzte Wuat ham de größtn Deppn
Und im Hotel Zum müden Wanderer
Hängan de Freind von fria in da Fettn an da Bar
Oba i kehr do net ei
I hob wos Bessas vua
Weu des kost nua Zeit und i hob's no weit
Erscht waunn da letzte Catapilla tot am Buckl liegt
Wia a tota Sauria in da Sunn
Daunn waaß i es woa de Wegzeit wert
Und es woa ned umasunst