Mir ham soviel zum tuan
Es fangt scho an in aller Frua
Do muas ma aus da Hapfn
Dann dunkt ma d'Pfoten ins Lawua
Und hupft in seine Schlapfn
Drauf wuzelst di mid'n Ellbognschmäh
Durch d' Stroßn wo's scho wurln
Vom Parkplotz, wanns d' an findst
Muaßt eh a halbe Stund nu schurrln
Kummst in d' Hockn, eh scho müad
Dabei hast nix im Mag'n nu
Und waans d' vom Chef hearst was dir bliat
An Arbeit bist daschlogn scho
Ruachln, Barabern, net amoi Zeit zum Habern
Tschinogln und Schnorrn - mia san do Noarn
Mir ham soviel zum tuan zum tuan
Mir ham den Plan verlurn verlurn
Freund, das Leben das ist schwer,
Und weg'n dem kräuln ma am Zaunfleisch daher
A Auto brauchst als Mann von Welt
Am Samstag tuast es waschn
Am Sonntag tankst um's ganze Geld
Und blederst dass d' Leit poschn
Beim Fressen muaßt a Feinspitz sein
Muaßt Sekt und Whiskey bechern
Und sauferst lieber Milch statt Wein
Du muaßt in Grinzing tschechern
A Patschenkino hast zwar z'Haus
Und trotzdem muaßt in d' Bar geh'
Und schlofers di am liabsten aus
Du muaßt auf jed's Trara steh'
Aufhaun und klass sei
Ollwäu a mordsdrum Jass sei
Jed'n Tag a G'spaß
Do gehst in Kras
Mir ham soviel zum tuan zum tuan
Mir ham den Plan verlurn verlurn
Freund, das Leben das ist schwer,
Und weg'n dem kräuln ma am Zaunfleisch daher
Mir ham so viel...
Mir ham so...
Mir ham...