Des Bikini-Madl
Is beinamputiert
Sie zagt ihre Neon-Kurvn
Üba da Tia
A rostiga Flippa
Zwischn Heisl und Schank
Es fäult noch Zwiefe
Koide Tschik und Bia
Do is a Pool und a Jukebox
Und g'rad g'nua Plotz zum Steh
Und de blade Rosi
Hinta da Budl
De führt wia imma den Schmäh
Sie hod a Goschn wia a Kutscha
Und an Oasch wia a Lock
Und a Zwinkern fian Ferry
Im Espresso Rosi
Do wartns nua drauf
Daß da Schattn dem
Tog es Liacht ausblost
Sie lahnan do und schlofn
Mit offene Augn
Zum Redn gibts nix mea
Wannst ka Chance mea host
Am Tisch in da Eckn
Sitzt ana do und wart
Er sauft 'n Mokka ex
Er zittert und tuat se hart
Er is kana von do
Und des siecht ma eam au
Und wanna d'Rosi frogt sogt's
Sie kumman schon no dran
Und er wart weida
Wi er's imma mocht
Heit in dera langan Nocht
Weu heit is Nochtschicht
Nochtschicht
Do is da Ferry mit drei Gschroppn
Und da zweit'n Frau
Ana Lehr ois Tischla, kana Hockn
Und vier Joa Karlau
Mit kana Aussicht auf an Job
Und g'nua Marie zum Leben
Und den Ruaß des Out sogt er
Hoda se lang gnua gebn
Uma zehne kummt d'Belegschoft
Da Peda und da Hans
Da Peda is a Profi, da Hans wüs wean
Oba er schoffts ned ganz
Da Ferry baut eam auf
Heast Oida muagn liegst in da Sunn
Damit er's söba glaubt
Gibts no an letztn Rum
Drei gache Schnaps
Drei gschwinde Bock
Weu des wiad heit a lange Nocht
Muagn wiad ollas anders
Des wa doch glocht
Muagn noch dera langan Nocht
Weu heit is Nochtschicht
Es is boid zwölfe
Da Ferry is scho
Längst auf da Tour
Es wiad am Pooltisch ruhig
De Rosi ziagt de Vuahäng zua
Stoßzeit is
Geht auf hoiba zwa
De letztn san jetzt aufgwocht
Hängan an da Bar
Grell g'schminkte Weiba
Rauschige Freier
Vü ausgleierts Lochn
Vü nimma Dawartn
Dei Stammgast
Sogt d'Rosi
Schaut auf die Uhr
Mochs auf de Gschwinde
I hob heit no wos vua
Und die Lore
Die wos fia Leit
Mit vü Phantasie
Ausschaut wia zwölfe
Wia oids echt is sogts nie
Die schaut dazua
Daß sa se zu ihra
Kundschoft hockt
De wos sie dann
Mit saure Drops
Ins Hintazimma lockt
Und fia anderthoib Blaue
Sofort und in bar
Spüds fia den Herrn
Der was ned da heapasst
Auf keusch und kla
Es gibt nix
Wos sie ned mocht
Heit in dera langan Nocht
Es gibt nix
Wos sie ned mocht
Heit in dera langan Nocht
Weu sie hat Nochtschicht
Draußn wiads scho hell
Es is boid in da Frua
Do kumman Ferry und Co
Von da Tour retour
Zwölf Farb-Portables sans
De Rosi mant, i wia a Noa
Dann pockts mit au
Zaht, zählt und zoit de Woa
Des is a Wahn
Des hods echt brocht
Heit in dera langan Nocht
Des is a Wahn
Hey, hey
Heit in dera langan Nocht
Hey, hey
In dera Nochtschicht
Hey, hey
In dera langan Nocht
Des is a Wahn
Des hods echt brocht
Heit in dera langan Nocht
Weu heit is Nochtschicht
Nochtschicht
Nochtschicht