Salubungin mo ang bagong umaga na iniwan
Pinangarap ni Elias na namahinga sa dalampasigan
Salubungin mo ang bagong umaga na iniwan
Bilisan mo at baka mawala pa yan diyan
Wag kang masilaw sa liwanag
(Na sa iyo)
Minsan mahirap maniwala
(Sa iyo)
Saluhin ang mga sinag ng liwanag
(Na sa iyo)
Di ba meron pa
Halika, halika
Balikan ang mga bara
Binitawan ng konsensiya ni Ibarra
Upang di mo malimutan mga yamang
Akda ni Laong Laan, Dimasalang at Maypagasa
Bago pa man sya isinilang hinatulan na
Galing sa angkan na isinuka ng lipunan
Napagbintangan ang lolo, siya raw ay arsonista
Napilitan ang lola magputa para lang kumita
Hanggang sa lumikas ang pamilya ng trahedya
Palayo sa pagtitig ng mapanghusgang mata
Ngunit di kinaya ng lolo ang buhay na sinapit
Sarili'y sinabit, namayani ang galit
Kanyang tiyo'y naging tulisan
Madugong katapusan
Ang lola naman natagpuang nakabulagta sa daan
Wala na sigurong mas namuro sa kamalasan
Paano matatakasan pag nakaraan ang kulungan ha?
Salubungin mo ang bagong umaga na iniwan
Huwag kang masilaw sa liwanag
(Na sa iyo)
Minsan mahirap maniwala
(Sa iyo)
Saluhin ang mga sinag ng liwanag
(Na sa iyo)
Di ba meron pa?
Di man pinalad
Kumapit pa rin sa kuko ng liwanag
Kaloobang umaapaw at handang tumugon sa tawag
Sabi nya
Mas galangin pa natin
Ang dignidad ng sino man
Sa halip na patayan
Kailangan ng kanlungan
Unawain ang konteksto na ating ginagalawan
Ugat ng kahirapan ay hindi lang katamaran
Kundi ang kakulangan ng pagserbisyo sa mamamayan
At pagsuporta sa abusadong sistema ng mga kapangyarihan
Alam kong merong iilang nakakaraos
Ngunit ang karamihan nanatiling nakagapos
Mapang-aping lipunan ay sagadsagaran
Buksang muli ang Noli ang gabay sating isipan at
Salubungin mo ang bagong umaga na iniwan
Huwag kang masilaw sa liwanag
(Na sa iyo)
Minsan mahirap maniwala
(Sa iyo)
Saluhin ang mga sinag ng liwanag
(Na sa iyo)
Di ba meron pa?
Huwag kang masilaw sa liwanag
(Na sa iyo)
Minsan mahirap maniwala
(Sa iyo)
Saluhin ang mga sinag ng liwanag
(Na sa iyo)
Di ba meron pa?
Salubungin mo ang bagong umaga na iniwan
Pinangarap ni Elias na nagpaliyab