Es isch obig, es dämmeret und d sunne goht langsam under
Lauf versunke in gedanke dur d stross zum huus vo mim kumpel
Gseh letschti sunnestrahle dur d chrone vo de eiche funkle
Betracht di ganzi schönheit, die erde verbirgt so viel wunder
Ich grüesse d lüüt nur flüchtig, zelle d randstei am trottoir
Und bemerke zmol das denkmol rechts vo mir am strosserand
Das erinnret mich an e wohri gschicht wo mer so en typ verzellt het
Sie isch mer nie us em chopf well sie mich dozmol so bewegt het
Gschicht handlet vomne maa, en mensh so wie du und ich
Wo gschlofe, gschnuufet, gesse het wie du und ich
Als zimmermaa hetter gschaffet, bis 30i het er gchrampfet
Denn ish er durchs land zoge mit es paar junge manne
5 brot und 2 fisch, er het 5000 ernährt
Wasser zu wii und d welle sind still uf siin befehl
Lahmi gönd und blindi gsehnd und tote huucht er lebe ii
Überall woner isch, schared sich d masse um ihn
Er hets chillt mit de verbrecher, de schlampe und de betrüger
Und am meiste mit sine beste homies, de 12 jünger
So viel liebi so viel demuet so viel autorität
So viel wunder, so viel wiisheit, sis lebe so perfekt
Gott het die erde und was druf lebt so fest gliebt
Dass er siin eigete sohn uf die gfallni erde schickt
So dass niemer mues verlore go und wiiterhin im rege stoh
Sondern dass jede wo a ihn glaubt chan ewigs lebe haa
Mir sind trennt vo gott, keis paradies meh siit em sündefall
Und das isch au soo bliibe bis vor ungefähr 2000 johr
Tatort Gethsemane, de kuss het ihn verrote
Jesus wird abgfüehrt wie en verbrecher vo soldate
Doch er isch ohni fehler gsii sis ganze lebe rein wie schnee
De sohn het üs vorglebt was es heisst gerecht z sii
Doch sie spucked en aa und schreied, as chrüüz mit dem!
Und er wehrt sich nöd will er ganz genau siin uftrag kennt
Er nimmt alles uf sich, shleppt siis chrüz uf golgatha
Uf dem berg het er siis lebe für dini und mini sünde loh
Nägel dur d händ, dass mir mit gott chönd e beziehig ha
Jesus hets vollbracht er het de schrecklich tod uf sich gnoh
De vorhang isch grisse, de weg isch bahnt für is himmelriich
Jesus isch uferstande und het endgültig de tod besiegt
De liebesbrief vo gott a üs, so unverfälscht und echt
Gottes sohn für d menshe verreckt a üsere stell
Ich mues mich entsheide, welli rolle bi mir de jesus spielt
Isch es eifach e schöni gshicht oder mis grösste hindernis
Isch er bloss en maa mit langem haar und mit drüütagebart
Oder isch er gottes sohn wo wiederchunnt wie s i de bible stoht
Mir chönd ihn hasse oder liebe, zwüschedin kein ufenthalt
Eines tages sterbed mir, das isch und bliibt en fakt
D bible seit er isch de einzig weg, d wohrheit und s lebe
Nur dur ihn chan ich zu gott em vater und nöd dur gueti tate
Das isch s evangelium, für jede mensh uf dere welt
Jesus bliibt en stolperstei au wemmers s lebe lang nöd iigseh wend
Ich entscheid mich für ihn, will er mir alli mini sünd nimmt
Macht mich frei vo allne sücht, traumas und verstrickig
Ich glaub nöd will ich gsehn, ich gseh will ich glaube
Gib dis lebe jesus und du wirsch es selber erfahre
Gott seit wer mich bekennt uf erde de bekenn ich im himmel
Und wer a mich glaubt, de lebt mit mir zeme für immer