Yar, canım dərd çəkir, yenə birtəhər oluram mən
Nəfəs-nəfəsə qalır bədənim, qan-tər oluram mən
Bir gecə yuxu getmir gözünə, səhər oluram mən
Kimləsə gözəl keçir günün, o günə zəhər oluram mən
Bəzən sükuta səs, səs-küyünəsə bəs oluram mən
Bezirsən hər kəsdən, yad ölkəyə səfər oluram mən
Zaman yorur səni, üzünə cizgilər oluram mən
Deyəsən bəxtə xudadır tale, oyuna zər oluram mən
Qırıram bütün qəlbləri, bir günlük sən oluram mən
Mənsiz alınmır, hər bir xeyrinə şər oluram mən
Kölgəsiz ölürəm zülmətdə, tənha məhv oluram mən
Şeytanın oxu kamandan çıxan günə hədəf oluram mən
Gərginləşirəm hər işində, əşi əsəb oluram mən
Bir gün kefin olmur, soyuq çayına dəm oluram mən
Özgəsiylə qocalırsan, saçında dən oluram mən
Bircə mahnım bəsdir ki, göz yaşına səbəb oluram mən
Bir sabah oyandım
Gördüm sən yox oldun
Yoruldum
Yalnızlıqdan yoruldum
Səbəbini axtaran gözüm
Səni axtarırdı hər gecə
Yalan oldu
Yaşananlar yalan oldu
İllər öncəsində qalmışam bu yorğun halımla
Sevgini anlamayıb istifadə etdik adından
Keçmişin unudan kəsin ilk mən çıxıram yadından
Geriyə elə bir eşq qalıb ki, tam ayrılıq dadında
Heç nə gəlmir əldən nə də, zaman rəhm edə bilmir
O qədər aldadılıb, zalım eşqi şərh edə bilmir
İnsafına düşən ləkə heyif ki, göz yaşıyla silinmir
Mənə etdiklərinə görə o özünü əfv edə bilmir
... intizarı bilinir hərdən
Mən onda uşaqlığımı, o saflığını itirib məndə
Biz bir-birimizə əksik, ağ-qara kimiyik sənlə
Və həmişə birini ağladır həyat, o birini güldürəndə
Arada soyuqluğun, uzaqlığın, ruhun hər naxışı itib
İnsanlığı var idi, o da sevgiyə qarışıb itib
Talehimlə barışıq idim, ölsə də mənə qarşı kini
Əsla bağışlamayacam onu bunu o məndən yaxşı bilir
Bir sabah oyandım
Gördüm sən yox oldun
Yoruldum
Yalnızlıqdan yoruldum
Səbəbini axtaran gözüm
Səni axtarırdı hər gecə
Yalan oldu
Yaşananlar yalan oldu