There were three ravens sat on a tree,
Downe a downe hay, downe a downe,
They were as black as black might be.
With a downe,
One of them said to his mate,
Where shall we our breakfast take?
With a downe, derrie, derrie, derrie, downe.
As I was walking a' alane,
I heard twa corbies makin' a mane.
The tane untae the tither did say, O,
Whaur sail we gang and dine the day, O.
Whaur sail we gang and dine the day?
It's in ahint yon auld fail dyke
I wot there lies a new slain knight;
And naebody kens that he lies there, O.
But his hawk and his hound, and his lady fair, O.
But his hawk and his hound, and his lady fair.
His hound is to the hunting gane
His hawk to fetch the wild-fowl hame,
His lady ta'en anither mate, O,
So we may mak' our dinner swate, O.
So we may mak' our dinner swate.
Ye'll sit on his white hause-bane,
And I'll pike oot his bonny blue e'en
Wi' ae lock o' his gowden hair, O.
We'll theek oor nest when it grows bare, O.
We'll theek oor nest when it grows bare.
There's mony a ane for him maks mane
But nane sail ken whaur he is gane
O'er his white banes when they are bare, O.
The Wind Sail blaw for evermair, O.
The Wind Sail blaw for evermair.