More nu giovanottu pe' l'amore,
Pe na zitella ca nu pote ire,
La mamma sua lu chiange cu dulore, tenendulu allu lettu pe murire, tenendulu allu lettu pe murire.
Quandu lu seppe la sua 'namurata,
Disse alla mamma sciamulu a bitire,
Fija, me disse, mintite lu mantu
E sciamu a quiddhu giovane ca stimi tantu.
All'arcu te la porta prima 'rivamu, me tisse ci e' lu giovane a bitire
Sai ci e' mamma, e' lu miu 'namuratu, e' quiddhu ca pe mie sta pe' murire, e' quiddhu ca pe mie sta pe' murire.
De lu lettu me 'ntise e 'zau la capu e disse tie 'nci curpi a mie murire, De lu lettu me 'ntise e 'zau la capu e disse tie 'nci curpi a mie murire.
Ca mo sta bieni tie culonna d'oru, mo ci l'anima mia pijau lu volu,
Ca mo sta bieni tie fiuru d'argentu, mo ci l'anima mia sta pija vientu.
Ca mo sta bieni tie galera armata mo ci l'anima mia s'ha licenziata,
Ca mo sta bieni tie dolcifiurita, mo ci l'anima mia lassau la vita.
Ca mo sta bieni tie culonna d'oru, mo ci l'anima mia pijau lu volu,
Ca mo sta bieni tie fiuru d'argentu, mo ci l'anima mia sta pija vientu.
Ca mo sta bieni tie galera armata mo ci l'anima mia s'ha licenziata,
Ca mo sta bieni tie dolcifiurita, mo ci l'anima mia lassau la vita.