Ma che beo che xe el me orto
Co te dixi un di te porto
El par fatto col peneo coe gombine a liveo
Tutte e robe xe al so posto
Tutto neto tutto giusto
L'impiantada ga a so parte
Un'opera d'arte
Ghe investo tutta a me pension
Ma a xe na gran soddisfasion
Non manca gnente
Ghe xe tutto
El xe perfetto
Da a mattina fin a sera ghe sto drio tutto el di
Son geoso da morire
Ghe lavoro soeo che mi
Ghe tegno pi de me mojere
Ghe go messo anca l'allarme
Seto mai se i vine ciavarme
E meansane
Insaeata pomodori suche verxe cavolfiori
Varda qua che sucatei e i faxoi vara che bei
Xe questo l'importante
No me ne frega niente
A xente fae queo che a vol che a mi me xe indifferente
El me orto a xe tutta a me pasion
Par deà de casa mia ghe xe na cava
No se sa de chi chea sia
E i dixe che a sia abusiva
Riva venti camion al di
Pieni de mi no so cosa
I dixe che sia mondisie
Che vien da a bassa
Cossa vuto che te diga
I fa anca lori i so mestieri
Mi me basta star so l'orto
Co i me pensieri
Ma se go da dirla tutta
Qua succede robe strane
Qua calcossa no me quadra
Sarà un par de settimane
E carote cresse storte
Col barbasso pontà in su
I pevaroni i ga un coeore
Tendente al blu
Che altro di me so magnà un piateo de tegoine
Go tacà sentirme mae
Me sentivo un fià pesante
So corso suito in bagno in maniera alquanto urgente
E a go fatta verde xaeo sfosforescente
El xe ndato in sacranon
Tutti che me parla de biologico, macrobionico, biodinamico
Cattolico, apostolico, romanico, chilometro zero
Ma l'unico rimedio per un mondo pi beo
Me o ga dito me fradeo
Legalisa, legalisa
Legalisa el sucateo!
El me orto el xe ndato in sacranon