Fiertig joa waas baer al lid van de dörper sjötterie.
Hae haaj ein bietje last van spit, mer leep nog veuraan inne rie.
Sjoot al joare achterop en misse deej d'r noeëts.
Hae haaj allein mer inne kop, de keugel en 't loead.
Baer waas altied doa, en aster sjoot, dan sjoter raak.
Nemes anges sjoot mèt det gemaak.
Baer, dae stòng zoea zeker wie'ne poal ónger de baum.
Den oaje limburger winne... det waas ziene draum.
Vrieëdt waat waas 't werm dae daag, de zón die staak hei-j op.
Geine sjöt dae nog get zaag, de parapluukes ginge op.
De bèste bleve euver en ze misdje geine kieër,
Ze sjote tot 't donkel waas, toen zoge ze niks mieër.
Baer waas altied doa, en aster sjoot, dan sjoter raak.
Nemes anges sjoot mèt det gemaak.
Baer, dae stòng zoea zeker wie'ne poal ónger de baum.
Den oaje limburger winne... det waas ziene draum.
Zeve sjötterieje móste kaav'le um de ieër.
Baer, dae dacht: astj noe neet löktj, dan löktj 't ós noeëts mieër.
Ze kwome bie de lèste twieë, de viefdje man sjoot raak,
En Baer, dae haaj 't noe neet mieër, waas neet op zien gemaak.
Baer waas altied doa, en aster sjoot, dan sjoter raak.
Nemes anges sjoot mèt det gemaak.
Baer, dae stòng zoea zeker wie'ne poal ónger de baum.
Den oaje limburger winne... det waas ziene draum.
De buks, die woort gelaje, 't woort stil ónger de baum.
Baer, dae zat zich sjrap, en dacht alweer aan ziene draum.
Toen kraakdje eine sjeut en Baer, dae boog toen ziene kop,
Want bove oppe raek, doa stóng 't bölke d'r nog op.
Baer, dae waas gebroke en hae vlugdje inne tent,
En dacht toen; waat bin ich toch veur'ne vent.
Oetgeraekendj ich sjeet mis, waat heb ich toch gedoan?
Mich teunktj det ich mer baeter bie ein kaart-klupke kan goan.