(De Roerdasse)
Ich waas nog ein klein menke
Mit 'n kuif en eine beugel
Ich had 'n sjpeltje op mien jeske
Van Big Benny, det goof mich vleugels
Ich kiek nao al die verkleide miense
Ich bewónjerde en loerde
Nao die hele grote prinse
Mit al häör vaere en häör bravoure
En had ich 't dan kaad
Dan droog ich altied miene sjaal
Jao, dae greune van de Bacchus
Te heit gewasse, dae loog paraat
Zo zeen veer hie neet gewaore
Nae, det zit ós in 't blood
Zo wurs se hie gebaore
Lekker werm bie mam op sjoot
En 'n paar jäörkes later
Bön ich volwasse en ouch get wiezer
'N Paar rimpels ajer
Zowie lood óm aad iezer
Maar van maart tot aan november
Blief ich dae kleine mit dae beugel
En dan drej ich in mien nes
Vol verlange, net wie vreuger
Druime van
Veer weite neet waat ós zo drief
Laeveslank
Det geveul, det raaks se nooit meer kwiet
Vastelaovend, wo bös se noe?
Wo is ózze Vastelaovend naotoe?
Ich wil die volgepakte pleine
En die volgeduujde treine
Ich wil mien leech hie laote sjiene
In dees menigte verdwiene
Ich wil mien pruuk weer op de bletter
Ich wil dae träöt en det getetter
De vette hap veurdet 't óm geit
Jao, drej 'm truuk veudet de klok sjleit
Op de zaoterdigmert in Remunj
Loup ich langs alle sjone kräömkes
En de keesboer dae wink mich
En ich sjpiens of ich nog sjräöm höb
Op de achtergróndj sjpeelt 'n plaetje
Van Bjorn en Mieke mit Doezjend Sjterre
Ouchal is 't hertje zomer
Ich zeen die sjterre, ich kin ze telle
Dan raeken ich miene kraom aaf
Ich loup de sjtad door, 't Sjtasieplein op
In gedachte Vastelaovend
De Sjtasiefesjtasie in miene kop
Ich zeen 'n ajer sjtel
Ze zeen gelökkig erm in erm
Ruum sevetig jaor Vastelaovend
De echte vierder dae kint gein rem
Dan sjrik ich wakker
'Ne Scooter riejt mich bienao van de zök
Ich baal en sjelj 'm oet
Mien brein, mien brein det wilt weer trök
Helaas gaon veer nog aeve wachte
Op de Vastelaovend mit al die luuj
Maar ich troos mich mit de gedachte
'T Is hie eder jaor weer opnuuj
Druime van
Veer weite neet waat ós zo drief
Laeveslank
Det geveul, det raaks se nooit meer kwiet
Vastelaovend, wo bös se noe?
Wo is ózze Vastelaovend naotoe?
Ich wil die volgepakte pleine
En die volgeduujde treine
Ich wil mien leech hie laote sjiene
In dees menigte verdwiene
Ich wil mien pruuk weer op de bletter
Ich wil dae träöt en det getetter
De vette hap veurdet 't óm geit
Jao, drej 'm truuk veudet de klok sjleit
Jao, zits se thoes get te klasjenere
Verduis se diene tied mit fiespernölle
Laot dich dan dit prakkezere
Veer gaon die kroege weer völle
Veer sjtaon binnekórt weer same aan 't befet
En dan prooste veer mit elkaar
Höbbe v'r 't toch weer 'n jaor gered
Vastelaovend, wo bös se noe?
Wo is ózze Vastelaovend naotoe?
Ich wil die volgepakte pleine
En die volgeduujde treine
Ich wil mien leech hie laote sjiene
In dees menigte verdwiene
Ich wil mien pruuk weer op de bletter
Ich wil dae träöt en det getetter
De vette hap veurdet 't óm geit
Jao, drej 'm truuk veudet de klok sjleit