2.D'r Berg
♪
Hèl is d'r sjtee en kling is d'r miensj
Deë d'r sjtee oet d'r berg mot goa hoale
Mar d'r sjtolz van d'r koelmaan is hèller wie sjtee
Deë geeft sjreëg durch de wand vuur zieng koale
D'r berg daagt 'm oet mit zieng glinsterende hoet
In et leech van de lamp op zieng patsj
Mar d'r koelmaan deë wit: vuur et eind van mieng sjiech
Likt deë berg hej vuur mich in der pratsj
Gèf mich hoot, enne hammer enne biël
En ich how dich um d'r meter enne neuje sjtiel
Ginne berg, ginne sjtoos, gee pand kriet mich kling
Ich roof dich alle koal en ich breek 'm alle sjting
Heë sjpeujt iggen heng - heë sjpant zich de bros
Enne sjnapt zich d'r sjroamhammer vas
Dan drieften 'm deë roazende betel derin
Huur d'r koelmaan 'ns vlooke mit sjpas
Doe klotskop, doe prengel, die sjtief botte kow
Wilst doe dich vuur mich neet verreure?
Vir zalle ins zie wee der sjterkere is
Ich paaf dich ing tussje de heure
Gèf mich hoot, enne hammer enne biël
En ich how dich um d'r meter enne neuje sjtiel
Ginne berg, ginne sjtoos, gee pand kriet mich kling
Ich roof dich alle koal en ich breek 'm alle sjting
Doe zals vuur mich sjterve, ich how dich kapot
Ich krieg dich wal kling, nutte krak
Ich morks en ich kuum en ich sjraap mich de kneuëk
Mar ich klauw dich d'r koal oet d'r zak
Ich prügel, ich treën en ich sjtamp diene pansj
Ich mergel dich oet bis d'r knaok
Ich zal 'm mich hoale, deë zow anthraciet
Die sjtoakwermde, deep oet die loak
Gèf mich hoot, enne hammer enne biël
En ich how dich um d'r meter enne neuje sjtiel
Ginne berg, ginne sjtoos, gee pand kriet mich kling
Ich roof 'm alle koal en ich breek 'm alle sjting
D'r hammer deë vordert zich sjnak durch die lief
En woë iësj diene sjtoos hat gesjtange
Doa is noe e loak en ich zien, ouwe maan
Datste uëver mich hin al gees hange
Doe wools mich goa deuje, doe wils mich kapot
Mar ich how dich vol sjtiele en sjpitse
Ich klem dich et bakkes noe vas mit 'n kruk
Want d'r sjterkere bin ich – d'r sjterkere bin ich
D'r sjterkere bin ich
En dat witste
Gèf mich hoot, enne hammer enne biël
En ich how dich um d'r meter enne neuje sjtiel
Ginne berg, ginne sjtoos, gee pand kriet mich kling
Ich roof dich alle koal en ich breek 'm alle sjting
Gèf mich hoot, enne hammer enne biël
En ich how dich um d'r meter enne neuje sjtiel
Ginne berg, ginne sjtoos, gee pand kriet mich kling
Ich roof dich alle koal en ich breek 'm alle sjting
Dat has ste neet gedach wah, doe batteraaf
Doe sjeele leures, Tats ste mich wils kölle
Dan mos ste vreuuger opstjoa, hengs tot ste bis
Doa liks ste votloak, wie eijne kruppel, zal ich dich mer voat schöpp||
Hamppelleman, ermen haus, grieniezer, geleutige vot mit hoare