Pack ding Saache kumm ich nemm Dich mit
Op ne kleine Trip
An 't Meer
Schmiess der Büggel op die Rücksitzbank
Watt ne driss der Tank
Es ald widder leer
Opjefüllt, der Schlössel römjedrieht
Dat es wie Musik
Im Uhr
Handy us, kumm drieh die Boxe ahn
Un dann jeiht op die Bahn
Nur der Freiheit hingerher
Et rüsch noh Sprit un Meer
Wenn et doch
Für immer su wör
Mit ner ahl Kasett im Radio
In nem opjeklappte Cabrio
Fahre mir janz einfach ohne Plan
Ejal wohin
Mer kumme ahn!
Mit ner ahl Kasett im Radio
Jraduss in Richtung Nirjendwo
Die Ärm im Wind un irjendwann
Föhlt et sich wie Fleje ahn
Einfach fott vum Stroßeschilderwald
Övver der Asphalt
Jeknallt
Jo he süht die Welt janz anders us
Fahr ens rääts erus
Boxenstop
Du mähs dir janz jenüsslich noch en Kippe ahn
Un ich treck och ens dran
Wigger jeiht et denn am Horizont
Do süht mer schon d 'r Mond
Nur der Freiheit hingerher
Et rüsch noh Sprit un Meer
Wenn et doch
Für immer su wör
Mit ner ahl Kasett im Radio
In nem opjeklappte Cabrio
Fahre mir janz einfach ohne Plan
Ejal wohin!
Mer kumme ahn!
Mit ner ahl Kasett im Radio
Jraduss in Richtung Nirjendwo
Die Ärm im Wind un irjendwann
Föhlt et sich wie Fleje ahn
Su wigg fott vun Zohus
Weed der schnell bewuss
Et Jlöck
Litt op der Stroß
Mit ner ahl Kasett im Radio
In nem opjeklappte Cabrio
Fahre mir janz einfach ohne Plan
Ejal wohin!
Mer kumme ahn!
Mit ner ahl Kasett im Radio
Jraduss in Richtung Nirjendwo
Die Ärm im Wind un irjendwann
Föhlt et sich wie Fleje ahn
Ejal wohin
Mer kumme ahn!