Luur ne Fluss läuf' he entlang
Op singem Wääch noh Rotterdam
Kumm met op Heim-Expedition
Un do die Kirch am Uferrand
Markiert e Abenteruerland
Unsre Urwald us Beton
Ich rot d'r nur
Pass op, dat Du dich nit verirr's
He im Jetümmel un Jewöhl
Dat es ne Großstadtdschungel
Hä lööt Dich nit mih loss
Us dem Großstadtdschungel
Küss du su schnell nit russ
Denn dä Kompass es janz klor op Heimat enjestellt
Dä Konfettirejenwald
Dä schönste Fleck der Welt
Jo he hürt mer off Jesang
Vun enem Indianerstamm
Rut un wieß bemolt Jeseech
Wilde Diere he un do
Pass op die Luffschlang bieß jlich zo
Se lauert övverall op Dich
Ich saach zo Dir
Jeff Aach, dat Du dich nit verirr's
He im Jetümmel un Jewöhl
Dat es ne Großstadtdschungel
Hä lööt Dich nit mih loss
Us dem Großstadtdschungel
Küss du su schnell nit russ
Ja dä Kompass es janz klor op Heimat enjestellt
Dä Konfettirejenwald
Dä schönste Fleck der Welt
Kumm mer klimme op die Spitze
All dä Lärm weed still un leis
Luure runger un mer merke
Mer driehe uns he ald
Die janze Zick em Kreis
Dat es ne Großstadtdschungel
Hä lööt Dich nit mih loss
Us dem Großstadtdschungel
Küss du su schnell nit russ
Denn dä Kompass es janz klor op Heimat enjestellt
Dä Konfettirejenwald
Dä schönste Fleck der Welt
Dä schönste Fleck der Welt