Wat es dat? Wat es loß?
En d'r Achterstroß 'ne Knubbel Minsche steiht.
Un wat do vör sich geiht, kein Deuvel weiß Bescheid.
Alles es verschreck, jeder frög wie jeck, wo kütt dä Rauch blos her.
Un paar Minutte drop, do woß ald jeder dat Malör.
Em drette Stock em Finster steiht en Frau, die wink un schreit:
Kutt erop! Kutt erop! Kutt erop!
Bei Palms do es de Pief verstopp.
Et hät die ärm Frau Palm
Die ganze Stuff voll Qualm.
Kutt erop! Kutt erop! Kutt erop!
Bei Palms do es de Pief verstopp.
Et hät die ärm Frau Palm
Die ganze Stuff voll Qualm!
Alles läuf un rennt, jeder schreit:
Et brennt! Et qualmp ald immer mie.
Vör Neugier wie noch nie loht alles en de Hüh.
Vun däm Rauch wie en Katz
Koloraabenschwazz die Lück sinn op d'r Stroß.
Als hätten se d'r ganzen Dag em Dreck eröm gerooß.
Un zweschendurch en einer Tour do höht mer schreie nur!
Kutt erop! Kutt erop! Kutt erop!
Bei Palms do es de Pief verstopp.
Et hät die ärm Frau Palm
Die ganze Stuff voll Qualm.
Kutt erop! Kutt erop! Kutt erop!
Bei Palms do es de Pief verstopp.
Et hät die ärm Frau Palm
Die ganze Stuff voll Qualm!
Mer sich denke kunnt, en ner Veedel Stund
Die Feuerwehr wor do, die sooch dä Offe noh.
Un jetz ich sage, jo, dat dat kumme sollt,
Wore Kinder schold, wat han die sich gefraut.
Die hatte drei Paar nasse Söck höhsch en de Pief gedaut.
Un immer hoht mer dat Geschrei, obwohl et längs vorbei:
Kutt erop! Kutt erop! Kutt erop!
Bei Palms do es de Pief verstopp.
Et hät die ärm Frau Palm
Die ganze Stuff voll Qualm.
Kutt erop! Kutt erop! Kutt erop!
Bei Palms do es de Pief verstopp.
Et hät die ärm Frau Palm
Die ganze Stuff voll Qualm!