A junges Pärchen, des mecht aus eahna Wohnung raus
Sie wohna iatzad in am Hochhaus in da Stod
Er hätt um alles in da Wält so gern a eigenes Haus
Und ihr stinkt a, weils koan eignen Goartn hod
Sie san am rätseln, wos da macha kanntn, dass si iatz wos riaht
Er sogt: "Mei Voda hod am Bauplatz draußd am Land
Und weil im nächstn Jahr mei Bausparer fällig wird
Nimm I iatzad hoid a Schaufel in die Hand"
A eignes Haus im Grünen, wo die Blumen rundum blühen
Wo ma koan Lärm aus da Nachbarwohnung heat
A grouß Bad und a Terrassn zum Seele baumeln lassn
Des is wo koa Pforter, wo oam nixe stört
♪
Und a boa Wochn drauf da ham's dann an Termin beim Notar
Weil eam sei Voda den Bauplatz übaschreibt
Und da fragt da Bua so zwischendurch, nembei glei wia des waar
Weng ara Grundschuld, weil da Bausparer nicht reicht
Da Notar, der sogt "Jawoll, des drong ma glei ei
Koa Problem, des Göld, des kriagts nacha scho her
Ihr kinnts ohne Sorgen baun und nachad ziagts ei
Wennst' a Haisl host, dann bist ja schließlich wer"
A eignes Haus im Grünen, wo die Blumen rundum blühen
Wo ma koan Lärm aus da Nachbarwohnung heat
A grouß Bad und a Terrassn zum Seele baumeln lassn
Des is wo koa Pforter, wo oam nixe stört
♪
S'Haus is fertig, sie san eizong, und ois is wundaschön
Sie gfrein sie narrisch üba's eigne kloane Heim
Mit da Kreditrückzahlung homs ja aa ned wirklich a Problem
Olle zwoa gengan in d'Orbat, so kann's bleim
Und bis a boa Johr vagengan, san drei Kinder auf da Wäit
A richtige Familie san's inzwischen worn
Desweng kriangs iatza aa vom Staat a weng a Gäid
Drum bleibt sie bei de Kinderla dahoam
A eignes Haus im Grünen, wo de Kinda ummaspringan
Wo ma koan Lärm aus da Nachbarwohnung heat
A grouß Bad und a Terrassn zum Seele baumeln lassn
Des is wo koa Pforter, wo oam nixe stört
♪
Doch es dauert goar net lang, da ziagt a Krise über's Land
Und er oarbat scho seit Wochn nur mehr kurz
Do muas er fürchtn, dass eam s'Göid fia an Kredit nimma glangt
Dann geht sei Oarbatgeba schließlich no Konkurs
Weil a nachad dann tatsächlich zahlungsunfähig is
Vasteigert eam de Bank des scheene neie Haus
Pfiat de God, du liabe Hoamat, was passiert is ungewiss
Und mit'm Seele baumeln lassen is jetz aus
A so kann es dir blühen mit am eigna Haus im Grünen
Wenn's da Bank gheat, dann gheats einfach net dir
Wuist an am Strick auf da Terrassn di net söiba baumeln lassn
Is da letzte Hoffnungsschimmer nur Hartz IV
Wuist an am Strick auf da Terrassn di net söiba baumeln lassn
Is da letzte Hoffnungsschimmer nur Hartz IV
♪
Danke, geh wida auf dein Plotz!