Mynd þín af speglinum
Gæti eins verið fréttamaðurinn á skerminum
Verurnar sem hreyfast með glerinu.
Eða bara eitthvað
Sem ímyndunaraflið ræður ekki við.
Farð'aldrei yfir á rauðu
Græni kallinn í götuljósinu er vinur þinn
Og hatrið í augum fólksins er bara plat.
Nei reynd'ekki að þræta
Það er þrjúhundruðsextíuogfimm dagar í árinu
Og lífið er staðreynd.
Hvort sem þú notar málband
Nýjustu uppgötvanir í sálfræði
Eða reynir að cirka það út
Er fjarlægðin milli manna sú
Sama og vegalengdin á milli húsa.
En samt er einsog einsemdin
Sé bara sérstök hlíð á sjálfum sér.
Lærð að meta blokkina
Lyftuna sem gengur fyrir rafmagni
Blokkina sem er rúðustrikið síða í reikningsbók
Ljósgráu mölina og fánann sem er jafn stoltur og þú
Lærð að meta blokkina.
Þó póstkassinn sé alltaf tómur
Ertu örugglega til það geturðu sannað
Með löggiltum pappírnum
Skilvísum afborgunum af græjunum
Og andardrættinum fyrir framan spegilinn.
Ef þú tryggir þig
Er sjónvarpið óhult í stofunni
Þú þarft ekki einu sinni að draga fyrir gluggann
Til að heimurinn verði ljósblár í myrkrinu.
Þú ert seif einsog stórveldin
Þú þarft ekki að hafa áhyggjur af því að einhver
Setjist hinu megin við samningaborðið í huganum.