Zwischen Zuckerbude und Kadaverfabrik
Wos siaßld oda noch hinige Viecha riacht
Wo de Kinda in da Fruah ins Bushittl schlatzn
Und a Meubal noch da ondaren hatzn
Durt hod mi mei Mutta in ana Dunnastog Nocht
Wos blitzt und dunnad hod auf de Wöd brocht
De erstn poa Joah in da Langenlebarner Stroßn
Die Nochbaskinda san am Goatnzaun gstondn
De Tochter woit i heiratn, des homa se gschwurn
Doch noch a poa Joah homa se aus de Augn valurn
Und daham san de Fetzn gflong und i hob mit de Maxln gspüd
Zwa Mastersburgen hob i zu Weihnochtn griagt
Im Kindagoatn sans Tyrannen gwesn
Wenn i eana de Wuaschtsemmö ned gem hob dann homs mit tretn
In da Voikschui in da 10a Pause in de Knochenbar grennt
Den klan Buam mit de Schneckal den homs duat scho kennt
91' is da Voda in Hefn marschiert
In da Zeidung is gstondn, woa groß inseriert
Für de ondan Kinda woas a gfundenes Fressn
Jo noch da Schui bin i zur Urli zum essen
In Wien im Weberknecht is Kechin gwesn
Im Summa woa ma Strohfian und im Herbst woa ma lesn
Und im Winter woa Eisdisko
Saisonsperre bekommen
Da Eismasta hod en Bastl des Tschickpackl wegnummen
Im Summa sama im Aubod bei da Rutschn glegn
Wenn ma Schuigstangld hom homa se duat de Kantn gem
Da Stodtparkfredl hod da 500 Schilling gem
Wennst eam beim Wixn zuagschaut host dann hoda des meng
In da Bluadgossn des erste moi Wundbenzin gnumma
De Mutta hod gread und in de Schui hods miassn kuma
Jo zwischn Glosscheamviadl und Eierspeisbautn
Wo de Haidingers und de Heischneiders hausn
Jo durt bin i her, vo durt bin i davogrennt
Wos hinterrucks redn, dort wo se jeda kennt
Wo de Blumen so sche san hods an Campingplotz gem
A Madl is dort Dauercamperin gwesn
An Summa woa ma zaum
In ana Nocht is vo da Diskothek ham
Hod se dastessn min Auto, da Foahra woa bsoffn
Jo Vüle san ogstiazt, owa uns hods ned troffn
Sunst darad ma heid ned do sitzn und singa
Übern Hauptplotz, übers Parkdeck, übern Fließ und übern Schlinga
Über de Kunstwerkstod, de Donaulände
Über de Mauthausgossn und über de ogspibenen Wände
Über de Benzos Keller
Über die Pummerslücken
Übers Bohnhofsresti in dem Drangla drin hukn
Jo zwischn Zuckerbude und Kadaverfabrik
Wos siaßld oda noch hinige Viecha riacht