A 'm va là, là, doman per lavorar fin a la sera
Una volta andave là a pé adess a 'm va cond la corriera
La noit a 'm torna indree e al canta el becalegn
La cà a 'm la fa su semper ind 'sta vall de legn.
Una volta a 'm 'ndava sui monts, sui monts a fassar el fen
Fadige pœ finide, segar jo tut el dé
A la fin de la jornada a 'm heva netad for el bregn
I sonava sui senter i supei de legn
Una volta a 'm 'ndava sui monts, po' tuts in gallaria
I bocia i è fujids e invece i vegg i va là miga
Le corne i g'ha speitads e adess i è vegnids a segn
E i ha fait su la so cà ind 'sta vall de legn
Vergun l'è ndait in França i ha trovad poca fortuna
Qei svelts i è 'ndaits in Svizera e i ha implenid la cuna
I plu furb i è staits a baita a cantar co'l becalegn
E i ha fait su la so cà ind 'sta vall de legn
Ai morts de San Nazer i passa jo anca i viv
Ma quand i torna indree ind el leit i è miga cativ
La festa l'è finida e i va là invers Malegn
A cercar un poo de palanqe ind 'sta vall de legn
Le se scurta le jornade ma intant la cress la Luna
A'l dé de ferraost fave ja bordell ind dent la cuna
El por Camell* l'ha trait for de tasca un bell desegn
E l'ha fait su la so cà ind 'sta vall de legn
La cà l'è miga finida ma lu l'è ja partid
Un'oltra gallaria al l'ha jamò scondid
Hoo sentid la cavra bedola a'l post del becalegn
E lu l'è vignid a cà cond un vistid de legn
La cà l'è miga finida ma lu l'è ja partid
Un'oltra gallaria al l'ha jamò scondid
L'ha cantad la cavra bedola a'l post del becalegn
E lu l'è vignid a cà cond un vistid de legn
E lu l'è vignid a cà cond un vistid de legn
E lu l'è vignid a cà cond un vistid de legn