Du bisch schön
Zuegäh, du bisch biudschön biudet
We me di so ahluegt het me zersch mau
Es viu z'schöns Biud
Aber viu seits nid über das wo du bisch
Aus Blueme uf d Wäut cho
Dir würd niemer bös vo Natur us scho nid
Und du läbsch so bequem ufem Arm vo de Gen
Uf dim Ponyhof wode aus Wäut kennsch
Jede laht sech gärn lah verfüehre vo dir
We du unbeschwärt über ds Fäud rennsch
Dis Biud vo de Schicksal, arm gäge ryych
Muetter Theresa, haut nid so Glück gha
Lieb gäge bös, christlechi Pflichte
Hollywood-Wäutbiud gscripted
Weni dir när säge das isch glych chli naiv
Du nur süess lächlisch u dervo loufsch
Isch das eigentlech nid dini einzigi Waffe, doch di einzigi
Wo de weisch wie zieh (di einzigi)
Wo de weisch wie zieh (di einzigi)
(Di einzigi) wo de weisch wie zieh (wo de weisch wie zieh)
Aber we de stattdesse dis Härz e chly bruchsch
U i rede nid vom Vögeli-Schlüsseli-Shit
We de würk wüsstisch was wosch vo der Wäut de miech
Dini Diva nid mit
(We de würklech wüsstisch was wosch vo der Wäut
De miech dini Diva nid mit
We de würklech wüsstisch was
De miech dis Härz nid mit)
Dis haube Läbe lang Gedanke gmacht über was itz äch dis Chleid seit
Aber dis Chleid seit i verstecke die wo hie das Chleid treit
Verstecke Feigheit
Oder dass me di verwöhnt het
Es verdeckt jedefaus es Biud vo dir
Wo de früecher säuber verpönt hesch
Wo de richtig ghasst hesch (Wo de richtig ghasst hesch)
Wo de abschöitief (Wo de abschöitief) ine ghasst hesch
Bespöit und ghasst hesch (Wo de richtig ghasst hesch)
Wo de richtig ghasst hesch (abgrundtief)
Ghasst hesch (richtig ghasst hesch)
Wo de abschöitief ine ghasst hesch
Töif use ghasst hesch
Abgrundtief
Wo de richtig ghasst hesch
Aber wenn du di wider öffnisch gäg mi u dis Härz e riisige Füürball
U mini Ratschleg verbrönnen a dir wüu se nid bruchsch, merci viumau
Ja wenn du so, nume ahsatzwys, üs chönnt denn nümm spaute
Und dini Diva um ds dunkle Tier im Ring wär nümme z'haute
Und während ds Tier hie tanzt gäge d Diva
(Tanzt gäge d Diva, tanzt gäge d Diva)
Luege mir üs ah (luege mir üs ah, luege mir üs ah)
Und während ds Tier hie tanzt gäge d Diva (tanzt gäge d Diva)
Luege mir üs ah (luege mir üs ah, luege mir üs ah, luege mir üs ah)
Lueg vo mir us gseh hesch zwöi Müglechkeite
Zieh irgendwo ines Dorf mit zwe Ching
Blyb derte wohl u behüetet u d Blüete
Wird aut und fragt der Spiegu
"Was wär di zwöit Müglechkeit gsi?"
Wi lang mah dä Ring mi trage
Blybe hie, so behüetet di Blüete
Wirden aut u i frage der Spiegu
Für was die Blueme no blüeht het
Und trags mit dir das Gfüeu
Das hie vilech glych no meh wär (glych no meh wär, glych no meh wär)
We de würklech wüsstisch was wosch vo der Wäut de miech
Dini Diva nid mit
We de würklech wüsstisch was wosch vo der Wäut
We de würklech wüsstisch was wosch vo der Wäut
We-we-we du, we du würklech wüsstisch was wosch vo der Wäut
De miech dini Diva nid mit
Oder stepp usen i Ring gäge mi
Um Läben und Tod geits nid
Aber um Läbe
Aber um Läbe drum und aus
Um meh aus ungerhaub dim Hals
Es geit um Liecht u nid um d Farbe
Was zeut si au di paar Fragmänt
Wo zäme
Es Biud u nes isch scheissegau wi luschtig
Und gruusig
Und es isch scheissegau wi stimmig
Und truurig
Doch nütze mir di ganzi Flächi
Nid vou äbds
De füut das Läbe nid us
Es geit um Liecht u nid um d Farbe
Es geit um Läbe drum und aus (aus, aus, aus)