I wett di scho, ds isch wahr, aber lieber nid aus
Mir hei churz zäme gredt, itz hani d Liebi am Hals
Mit der Liebi chöme Glücksgfüeu, Fieber und aus
Für mi ir Sicherheit z'wiege, da wiegen i fausch
I ha di ahgsproche dert i dim Schämeli-Egge
A dr Party vom Kolleg, es Family-Fescht
Mir sy d Haar zbärg gstige sit mer zämen im Bett
Hei drüber gredt
Was me zäme nid het
Ufen erscht Ton tönt das ja no huere romantisch
So mit Duftcherze, Chüssi und de Bluemen am Nachttisch
Aber üs gsehsch nackt uf paar Tüecher am lige
Und üs frage was üs hie grad het tribe
I liebe Metaphere, du fingsch se doof
I sueche Halt a dir, du bisch es Parkverbot
Üsi Gmeinsamkeit: Mir wäre lieber elei
Und üses Härz erkennt irgendwie di Liebi aus Stei
I liebe wieni hasse di eso
I hasse liebe wi du bisch
Du hättsch mi lieber gärn eso
Du hättsch mi lieber wi du bisch
Ja mängisch zieht sechs eifach ah
Und de zieht sechs ou gärn us
Auso chumm, zieh ne grad düre
Chumm zieh eifach wider us
Itz hochi ane Stuel bunge i Fesslen am Tisch
Hätti nume früecher gmerkt wi versässe du bisch
Du hesch e Lischte mit was du aus erwartisch vo mir
Und i ha würk ds Gfüeu gha itz isch di Party verbi
S het e riise Strit gäh, mi het dr Nachbar befreit
Aber insgheim hets üs oh no gfaue, das Game
Auso choufe mir eis Gschirrset nachem nächste
Lige mir üs i de Haar, sy mer üs am nächschte
Di Hung jagt mini Chatz, u mini Chatz macht i dis Bett
I choche dir e Gault-Millau aber du wermsch der Spaghetti
Wenn ig am schlafe bi rasiersch du mir dr Bart
Du dräisch mir dr Rügge zue un i glotz der ufe Aaaaa-
I liebe wieni hasse di eso (I hasse liebe wi du bisch)
I liebe wieni hasse di eso (Du hättsch mi lieber wi du bisch)
Ja mängisch zieht sechs eifach ah
Und de zieht sechs ou gärn us
Auso chumm, zieh ne grad düre
Chumm zieh eifach wider us