Alls drääit uf der Stell, Karussell
Lug, ds Läbe verspricht so viel
Du muesch nid meh aus ufstyge
Nätt lächle, ärnscht winke, druff blybe
Nume so blybsch du im Spiel
Drum gsehsch üs alli ufsitze mit Zügel
Mit Bügel, druff ryte
Di Wenigschte dörfen es Rössli wähle
Di meischte näme was übrig isch
Me hofft ufne Ufstiig nachem Ufstyge
O we das nid müglech isch
Wüu es drääit nur im Kreis
Da chasch no so mängisch
Ds Rössli wächsle
Aber o ds Nächschte bringt di nid ufe,
Es drääit nume wyter äne
Immer wi schnäller
Macht ke Aastalte aazhalte
Kes Wunder gseh mir mitgno uus
Und du schmöcksch
Dä Nydletäfeliduft i der Luft
Unger Hunderte vo Zuckerwattewulche
Alles isch lut
Si drääie di Lieder uuf,
So dass es nie meh still isch,
Das Ruusche um üs ume
Nümm ändet a dere Chilbi
Aber das alles wird erträglech
We du di a de Zügel chasch häbe
De muesch di o nümm frage wohäre
Wüu alles drääit
Alls drääit uf der Stell, Karussell
Alls drääit uf der Stell
Alles drääit uf der Stell, Karussell
Alles drääit uf der Stell, Karussell
Alles drääit uf der Stell, Karussell
Alles drääit uf der Stell, Karussell
Alles drääit uf der Stell, Karussell
Alles drääit uf der Stell, Karussell
Alles drääit uf der Stell, Karussell
Alles drääit uf der Stell, Karussell
Lug, es haltet nümmen aa
Laat üs nie la galoppiere
Nei, es haltet üs uf Trab
Schützematt
U du drääisch scho langsam düre,
Wüu der Ytritt isch no tüür
Doch im Verglych ischs immer no nüüt, Wüu der Prys sy Dyni Täg
U drum prys' ig der Momänt woni usrysse,
Hufyse uf Asphalt
Vor der Rytschuel böimt sech
Mis Keramikross uuf
Der Momänt, woni "Ade" säg
U a de Zügel zieh,
Chumm Tonio, mach di Tor uuf
Und de säge si mer
"Ds Läbe isch ke Ponyhof"
Doch wär het das bhouptet?
S git nid ei Ponyhof dert, woni wohn'
Drum seit mir das überhoupt nüüt
Und i dänke,
Dass es zimmlech sträng isch dert
Meh aus dass me bhouptet
Meh strigle aus strychle,
Doch a das dänkt me nid
Hie isch ds Läbe ender es Rösslispiel
Säg, ghörsch du mi
Tonio