Hütt isch Putztag un i tanze mit em Hudu i der Hang
U wes e chli sprützt, de nume bis a d Wang
Putztag, un i tanze mit em Hudu i der Hang
Göt mir wägg mit däm Babyzüüg, i wott so wi di Grosse
Löt mi doch der richtig Stoubsuuger umestosse
Ds Kabu nachezie – i cha das scho aues elei
Ds Chnöpfli wider drücke, derzwüsche schnäu im Garten
Es Äppeeri ga pflücken u när mäi i no der Rase
La mi nume mache – i cha das scho aues elei
Lueget mi aa: win i das scho cha
Hütt isch Putztag un i tanze mit em Hudu i der Hang
U wes e chli sprützt, de nume bis a d Wang
Putztag, un i tanze mit em Hudu i der Hang
Nach em Pflänzligiesse ga d Fläschen abeschiesse
Es tschäderet im Container, d Batterie hei mer
Wi d Büchsen o mitgno; der richtig Chübu finge – hä, das chan i o!
Dr Komposcht, ja, dä stinkt zwar, aber i weis scho: nächhär fahre
Mir bim Beck verby, de gits es Gipfeli für mi
Zahle tuen i säuber, ds Portmonee, das han i o derby
Hütt isch Putztag un i tanze mit em Hudu i der Hang
U wes e chli sprützt, de nume bis a d Wang
Putztag, un i tanze mit em Hudu i der Hang
Hütt isch Putztag un i flügen uf em Bäse dür e Gang
Flüge so schnäu, dä gheit fasch abenang
Putztag – i trummlen uf de Chesslen umenang
Gäu, du bisch froh, i hiufe stundelang
Putztag – chan i bitte d Wösch usenäh?
U darf i dir o d Chlämmerli gä?
Aues elei – i cha das scho aues elei
I cha das aues elei, mache das doch aues elei
Aues elei – das git es subers Dehei
I cha das aues elehehehei
Hütt isch Putztag
Un i mache das doch aues elei