Gsehsch die riisegrosse Rabe
Vergrabed Sämli duss im Acher
Gsehsch die riisegrosse Rabe
Verstecked Sämli tüüf im Wald
Und bi Näbel chömed Riiserabe
Verbudled Sämli i dim Garte
Und wiit eweg hofft e Pflanze
Dass die Sämli nie meh öpper findt
Mir sind doch au nur wie ne Pflanze
Chömed mit em Wind oder mit de Rabe
Gheied irgendwo uf d Wält und wänd deet wachse
Und sueched euse Wäg zum Liecht
Berüehred Bode und denn schlömmer Wurzle
Tüüf ine im Wald oder näbed usse
Weisch, und wo mer wachsed, puure Zuefall
Mir sueched euse Wäg zum Liecht
Aber deet, wo du stahsch im Wald
Isch für dich en bsund're Platz
Wil deet, wo du stahsch im Wald
Du dini Wurzle schlahsch
Aber deet, wo du stahsch im Wald
Wirsch du nie wüsse wi's öpp'rem gaht
Wo am'ne ganz and're Ort Wurzle schlaht
Deet Wurzle schlaht
Mir bliibed au nur wie ne Pflanze
Wachsed und stönd windschief i de Landschaft
Hoffed, dass de nöchschti Föhn eus wiiter stah laht
Und sueched euse Wäg zum Liecht
Wenn eus öppis bewegt, gheit Liecht uf d Sprosse
Liecht uf all di schüüche unentschlossne
Pflanze, wo wie mir uf Sunne hoffed
Mir sueched euse Wäg zum Liecht
Aber deet, wo du stahsch im Wald
Isch für dich en bsund're Platz
Wil deet, wo du stahsch im Wald
Du dini Wurzle schlahsch
Aber deet, wo du stahsch im Wald
Wirsch du nie wüsse wi's öpp'rem gaht
Wo am'ne ganz and're Ort Wurzle schlaht
Aber deet, wo du stahsch im Wald
Isch für dich en bsund're Platz
Wil deet, wo du stahsch im Wald
Du dini Wurzle schlahsch
Aber deet, wo du stahsch im Wald
Wirsch du nie wüsse wi's öpp'rem gaht
Wo am'ne ganz and're Ort Wurzle schlaht
Deet Wurzle schlaht