Na wanci sariak layung
Mojang lenjang, camperenik
Lir lungsur ti kahiangan
Angkat lir macan tenangan
Disinjang kabaya carang
Kulit bodasna ngalangkang
Ngadilak dibarung imut
Teuteup seukeut ngajamparing
Lambeuy lir amis maduan
Salira saha jenengan?
Saupami léléngohan
Naha kersa disarengan?
Alis sari kuwung-kuwung
Bulu socana balentik
Gadona endog sapotong
Taarna téja méntrangan
Mun lalaki dirérét
Piraku henteu kapélét
Nu hayangeun, teu kacatur
Kasengsrem ku kaéndahan
Réa anu kabungbulengan
Nu geulis loba asihan
Mapatkeun jampé pamaké
Élmu rérét ti Maronggé
Ngarérét dibarung kalét, A Adang
Haté luk menyat kapélét
Teuteupna dibarung imut, Aa Cépi
Piraku henteu kairut, kituk
Na wanci sariak layung
Mojang lenjang, camperenik
Lir lungsur ti kahiangan
Angkat lir macan tenangan
Disinjang kabaya carang
Kulit bodasna ngalangkang
Ngadilak dibarung imut
Teuteup seukeut ngajamparing
Lambeuy lir amis maduan
Salira saha jenengan?
Saupami léléngohan
Naha kersa disarengan?
Alis sari kuwung-kuwung
Bulu socana lalentik
Gadona endog sapotong
Taarna téja méntrangan
Mun lalaki dirérét
Piraku henteu kapélét
Nu hayangeun, teu kacatur
Kasengsrem ku kaéndahan
Réa anu kabungbulengan
Nu geulis loba asihan
Mapatkeun jampé pamaké
Élmu rérét ti Maronggé