Moyo wako mwanangu, ukava nouchenjeri
Nomoyo wangu, uchavawo nomufaro
Ndichadada newe, ndichavimba newe
Uchava chidadiso kunyika yowekwedu
Zita rakanaka rinokurisa rudzi
Mwanangu kani, mwananguwo
Mwanangu kani, mwananguwo
♪
Ishe Jehovha vakupe njere nhasi
Uzive Mwari wokunamata
Uteerere inini ndakakubereka
Usazvidza mai vako
Hazvinei chero vachembera
Mwanangu kani, mwananguwo
Mwanangu kani, mwananguwo
♪
Baba vowakarurama vachafadzwa naye
Mai vowakachenjera vachafara kwazvo
Mwanangu kani, mwananguwo
Mwanangu kani, mwananguwo
♪
Usava pakati pavo vanokarana vamwe
Mumwi neanemadyo vachava varombo
Idzo hope dzinopfekedza mamvemve
Mwanangu kani, mwananguwo
Mwanangu kani, mwananguwo
♪
Madzimambo anobata vushe
Vanobata neuchenjeri
Vabati vanotonga vanhu panyika
Vanotonga nouchenjeri
Zvinokosha, zvakaisvonaka
Zvinobvepi?
Zvinobva pauchenjeri
Dzimba dzomukati dzizere zvinokosha
Zvakabvepi?
Vakashandisa huchenjeri
Mwanangu kani, mwananguwo
Mwanangu kani, mwananguwo
♪
Iwe tenga zvokwadi, urege kuzoitengesa
Tsvaka uchenjeri, urege kuzohurasa
Dzidzo nenjere ndizvo zvinovaka munhu
Mwanangu kani, mwananguwo
Mwanangu kani, mwananguwo
♪
Wangova wakachenjera Mwari ndicharumbidza
Wava wakachenjera Mwari tichatenda
Wangova wakachenjera Mwari ndicharumbidza
Wava wakachenjera Mwari tichatenda
Ndichavonga Ishe ndoti
Baba mwana ndinaye
♪
Moyo wako mwanangu, ukava nouchenjeri
Nomoyo wangu, uchavawo nomufaro
Ndichadada newe, ndichavimba newe
Uchava chidadiso kunyika yowekwedu
Zita rakanaka rinokurisa rudzi
Mwanangu kani, mwananguwo
Mwanangu kani, mwananguwo