Хүний орчлонд мэндлэсэн минь азтай
Хүслээрээ амьдрах үнэхээрийн сайхан
Эх дэлхий мандтугай, үүнээс өөр өлгий үгүй
Эх наран мандтугай, нарнаас өөр илч гэж үгүй
Эрхэм анд минь гараас минь чанга атгаарай
Эргэж буцахгүй ээ, жаргалынхаа төлөө
Итгэл үүрд мандтугай, итгэлээс өөр анд үгүй ээ
Найз бүхэн мандтугай, найзаас өөр итгэл үгүй ээ
Тэнгэр та нарыг минь ивээж байг
Тэгээд бас аз жаргал сайн сайхныг хүсье
Энгүй их хайр, эрүүлийг ерөөе
Элбэг баян, аз хийморь тань бадрах болтугай
Өөдөө, өөдөө, улам бадрах болтугай
Жаргал ирхэд дуулж хамтдаа нэг байя
Зовлон ирхэд сөрж хамт нэг байя
Хайр бүхэн мандтугай, хайрыг хүсэхгүй хэн ч үгүй
Хүн бүхэн мандтугай, хүнээс өөр эрдэнэ үгүй ээ
Мөнх хөх тэнгэрийн ивээл дор
Мянга, мянган жил даяараа энх жаргах болно
Энгүй их хайр, эрүүлийг ерөөе
Элбэг баян, аз хийморь тань бадрах болтугай
Мөнх хөх тэнгэрийн ивээл дор
Мянга, мянган жил даяараа энх жаргах болно
Энгүй их хайр, эрүүлийг ерөөе
Элбэг баян, аз хийморь тань бадрах болтугай
Өөдөө, өөдөө, улам бадрах болтугай
Өөдөө, өөдөө, өөдөө, үүрд энх бадрах болтугай