كل يوم بزورني الاكتئاب ونيسي اخر الليل همومي جبال ف كيف جبال اشيل و اليوم بنغني بس لنغير جيل و المستحيل مش صعب بيوم يصير
عايش بلا روح عادي بالبلا أبوح
بعد كسرات و مش مهتم بنسبها للظروف
كل طعنة ما قوتني ولا قدرت تقتلني
هاي مجرد ندبة جديدة زيد ملح عالجروح
انا تربيت ببيئة كره مش عارف أعطيكِ حب
غير مبالي كنت حموت لو اهتميت كل ما شفت
شجاعتي أجبرتني أواجه كل موقف بقسوة
فإضطريت أقتل شعوري بالمهدئات و الشرب
ف إفهميني لما أحكيلك انا مش هذاك الشخص
مع كل وقت فراغي ما أعطيت لنفسي وقت
اني اصبر ع الّي بيننا بطلت أتحمل ضغط
العيب مني و فيني حاولت و ما أستطعت
انسان سيء بقصتك انا الي بديت الحرب
منا حتى سيء بقصتي فمش ححكيلك لأ
فاعذريني على صراحتي آسف ع كل جرح
للأسف بالوقت الغلط كنتِ انتِ الشخص الصح
أنا آسف
كل يوم بزورني الاكتئاب ونيسي اخر الليل همومي جبال ف كيف جبال اشيل و اليوم بنغني بس لنغير جيل و المستحيل مش صعب بيوم يصير
ثلاث أيّام مش نايم. حرفيّاً ما ببالِغ
غرقان بالتزامات ف مُجبَر أجمَع مبالِغ
نزلت ع الشارع بدري ما استنيت اصير بالِغ
لولا حُبّ الكادِحين لخسرتو مواطِن صالِح.
انتا بتعرف أبو علي بس لا ما بتعرف أسامة
أكثر حدا بعطي طاقة هو أكثر حدا محتاجها
الكمال لله يخوك ما بحكيلك اني كامل!
بس اسأل الكادحين كتفي شال مُخيّم كامل.
هالنجاح مش من فراغ فشي حدا آمن فيّه
بس أنا آمنت بنفسي ورفضت دور الضحيّة
ما بسمح لغير إيديّه هنّه اللي يمسحن عينيّه
إحترامي كل إخواني بس انا سولو ومنتهيّه
لانِّي مش رح انسى كل سيجارة هَلكَت المريء
مش رح انسى الحكي مع الحيط لماّ كنت وحيد
مش راح انسى نظرات المُجتمع لما كنت كئيب
مش راح انسى كل سبب خلاني سولو فش شريك
كل يوم بزورني الاكتئاب ونيسي اخر الليل همومي جبال ف كيف جبال اشيل و اليوم بنغني بس لنغير جيل و المستحيل مش صعب بيوم يصير
كنت فت بالحيط لو ضليتني ماشي دغري
فدرت لفيت و بيني و بين الموت خطوه
و لانه اول مره من كل شغله دائما صعبه ف سهله بعد الدنيا لاجل العيشه وحده
شفت كيف لما النوايا تختلف حسب مصالح تحكيش الزلام من لاسنها بتنمسك
حتنغدر طيب ابتسم
بعد الهزيمه بس عرفت كيف تأكل الكتف
مشاهد ليل حياتي كانت مش سويه
حرام و عيب و صحبه عاطله و سرسريه مش ببالغ لما احكيلك انه اليوم الواحد عندي عن ميه من ايامك العاديه
لحالي احلالي هيني هاجر القطيع
و بدي نصي الثاني مش بدور على حبيب و مش غريب لما شمسي ما بتغيب وصلت القمه لاني كنت مستمتع بالطريق
ضليت طريقي مشيت بطرق وسخه
لحتى اقدر اتعايش شفت مني ميه نسخه
و النسخه الي قبالك هي انظف وحده فيهم
لما يسود قانون الغاب اهلك مين يصرف عليهم
فلا تلومني يا انا اني بيوم قسيت عليك
و انا صغير شربت كونياك مكنتش اعرف ال ميلكشيك
بعيد ميلادي الثامن عشر القالب صاحبي مش الكيك
اكلت بدال الكيك قيد فكرت الصاحب بيوم بفيد
سهرت و رقصت كل الليل و بس طلعت لبست عبايه
فلا تسألها ليش بتبكي بس تطلع بالمرايه هيك البشر لما الدنيا تدور
و لما تحاسب حاسب الدافع مش القاتل المأجور
انا عكس الناس بكره كلشي بلمع ف بكره حالي اليوم بكره العالم اجمع