ايش فخرك؟
مين بضهرك؟
مين لما تعطش برويلك قهرك؟
مش قادر تطلع جواتك كيف بدك في الكون تتصفن؟
مين تصفا بصفك؟
مين صفا بصفك؟
بتجرح حالك كثير بس اجى الوقت تتفصل
انت بتجعلك الناس حتى الايغو يتصفط
بتعملش للناس انجاز اناني بتعمل حتى ايدك تصفق
عشان تعبي اذنك ناس تحكيلك انت الافضل؟
جوا روحك صرت انت الافضا
عمرك ما قرأت جريدة
هسا جيت كتبت قصيدة
حاب توقف تحكي عملت اشي جديد للمدينة
عامل حالك وطن
بطل
كم لاجئ فيك؟
متفاجئ ليش؟
اعطيك معلومة
انت مش وطن انت حكومة
كم مرة وقفت لتاجر فيك؟
مزبوط ياما بتتوه وقلبك ابيض عيونك سود
بتطلع قبالك طريق أسود
بس في اثام عالوجوه
مفكر ايدك جناح جبريل وك ايدك جناح عصفور
بس سؤال؟
كم في اتوتون ف موالك؟
لتوخذ الامور بجدية ما انت كل نهارك ليل!
كل ايامك real
كل دموع بتنزل تحت عينك هي دموع تماسيح
يمكن انت تكون بعيد عن حالك هدية
تكون منيك مش يعني تكون عندك شخصية
وانك تحكي عربي مش يعني تكون عندك هوية!
عكس الكون احنا بنستخدم الليل لنشوف فيه
بنشوف الطريق واحنا بنتوه فيه!
مين منا طلع يدور ع حالو ورجع ندوب فري؟
ولما اغرق في حالي مين منا رح يجي ويتوبلي؟
انا اسف
واضح عم بتدور على حالك بين مواطئ هاي البلاد
عالرصيف على البيج كرابيج
في المجمع، على السطوح، جوا الليل في العيون
تحت الplays، جوا الكتب، جوا البيت
عم بتدور على جزء اكبر منك بس لتنتمي!
بس انتبه لتلاقي حالك كامل مع الوطن الي بتحلم فيه
وتجمع فيه احلامك
تكفر فيه اثامك
لازم تنسى انت مين وتفصل فيك اثواب
تغير فيك لهجات
وتكون انت القضية
وزي ما انت فنص الخيط
واقف بين الشرقية والغربية
لازم تفصل حالك
عن كل الي بتتمسك فيه
وهي تراك الك لو ضيعت حالك عالطريق
عندك عذر حتى تقوم تتأسف فيه!
مع كل الاوجاع الي فينا
مع كل الحروب الي فينا
مع كل الاحلام الي فينا
مع كل الحروف الي فينا
مع كل الاثام الي فينا
مع كل الاوطان الي فينا
مع كل الاوطان الي فينا
لسه الليل زي ما هو
غير هالكون ما بنلام
لسه اضواو المدينة ما بتطفي فيه غير احلام
لسه هي زي ما هي وانا غريب جوا وطن بين عيني
وتايه في الايام
ولسه البداية كالنهاية والحكاية ما بتفيدها غير كلام
ولسه احنا زي ما احنا شو ما رحنا على حروب
مابنقدرش نجيب السلام!